Foto: Dirk Rabe | Pixabay

Keine Atommülllagerung in der Lausitz – Präsidium der Domowina beraten

Dieser Beitrag ist nur auf Sorbisch verfügbar – Sie können den Text mit dem Online-Übersetzer sotra.app übersetzen lassen.

Před dwěmaj tydźenjomaj, 27. oktobra, je Zwjazkowa towaršnosć za kónčne składowanje BGE aktualny staw geologiskich přepytowanjow wozjewiła. BGE njewobhladuje Łužicu hižo jako móžnu kónčnu region za składowanje wysokoradioaktiwnych wotpadkow. Prezidij Domowiny je so z temu na swojim wčerawšim posedźenju zaběrał. Předsyda Dawid Statnik: “Smy jara wolóženi, zo wuzamknje geologiske přepytowanje našu domiznu. Jako Domowina smy proces kritisce přewodźeli. W rozmołwach smy na wosebite historiske, rěčne a kulturne wobstejnosće serbskeho sydlenskeho ruma skedźbnili a so za škit domizny Serbow zasadźowali.” Prezidijej je wědome, zo njeje rozsud powšitkowna garantija přećiwo dalšim infrastrukturnym předewzaćam.

Diskusija wo kubłanju

Prezidij je so intensiwnje z aktualnej situaciju šulstwa w Sakskej a Braniborskej zaběrał. Mjez druhim je gremijej wažne, zo so aktualizowane Sakske postajenje wo dźěle na serbskich šulach a druhich šulach w serbskim sydlenskim rumje bórze wozjewi. Domowina je so w minjenych lětach intensiwnje ze Serbskim šulskim towarstwom a šulskimi nawodami na trěbne wobsahi dojednała. Naćisk postajenja leži tuchwilu w kultusowym ministerstwje. “Na septemberskim posedźenju Sakskeje serbskeje rady je kultusowy minister Conrad Clemens zdźělił, zo móžemy z postajenjom w februarje 2027 ličić.”, tak Statnik. Zarjad ma dale nadawk proces přewodźeć.

Delegowanja

Na swojim posedźenju su čłonojo prezidija dweju čłonow kuratorija Myta Ćišinskeho za dobu 2027-2032 pomjenowali. Zastupjer za Delnju Łužicu budźe Dytar Worješk a za Hornju Łužicu Juliana Kaulfürstowa.

Přihot wólbow załožboweje rady

Tydźenja je so doba za zapodaće kandidatury do załožbowej rady zakónčiła. Město znajmjeńša trěbnych wosom, je so sydom kandidatkow a kandidatow wo zastojnstwo prócowało. Zwjazkowe předsydstwo je tuž dobu podlěšiło. Zajimcy móža swoju kandidaturu hač do 30.11.2026 zapodać. Što su nadawki abo tež kriterije tutoho čestnohamtskeho dźěła, zhoni zjawnosć mj. dr. na webstronje Domowiny a na jeje Instagram-kanalu. Wotpowědny formular je tež na webstronje wozjewjeny. Hdyž maće prašenja nastupajo kandidaturu abo gremij steji referentka Madlena Di Sarnowa (telefon:03591 550-222, madlena.di.sarnowa@domowina.de) po boku.

Wólby budu tuž 29.01.2027 w Budyšinje. Přichodne posedźenje zwjazkoweho předsydstwa budźe při wšěm 04.12.26 w Choćebuzu.

Hłowna zhromadźizna 2027

Prezidij je so wo aktualnym stawje nowych dźěłowych směrnicow za dobu 2027 – 2031 wuměnił. Na posedźenju předsydy z towarstwami a župankami su so tute modifikowali a na přichodnym posedźenju zwjazkoweho předsydstwa změja čłonojo składnosć wo swojich namjetach diskutować. Dźěłowe směrnicy orientuja so na programje Domowiny a aktualne su na webstronje Domowiny wozjewjene.

 

 

 

This website is using cookies to provide a good browsing experience.

These include essential cookies that are necessary for the operation of the site, as well as others that are used only for anonymous statistical purposes, for comfort settings or to display personalized content. You can decide for yourself which categories you want to allow. Please note that based on your settings, not all functions of the website may be available.

This website is using cookies to provide a good browsing experience.

These include essential cookies that are necessary for the operation of the site, as well as others that are used only for anonymous statistical purposes, for comfort settings or to display personalized content. You can decide for yourself which categories you want to allow. Please note that based on your settings, not all functions of the website may be available.

Your cookie preferences have been saved.