Wupisanje dźěłowych městnow | Wupisanje źěłowych městnow | Stellenausschreibungen

Wupisanje dźěłoweho městna

Projekt ZARI - “Syć za regionalnu identitu a serbsku rěč” w nošerstwje Domowiny - poskići městno

wědomostneje sobudźěłaćerki /
wědomostneho sobudźěłaćerja
za rěčne resursy
(m/w/d)

W srjedźišću projekta ZARI steji rěčne planowanje, t. r. zaměrne přiswojenje rěče a rěčneho nałožowanja. Hač do lěta 2100 chce projekt 100.000 serbsce rěčacych docpěć.

Dźěłowe nadawki

  1. nadźěłanje koncepta a natwar intensiwneho, imersiwneho rěčneho poskitka za nawuknjenje a nałožowanje serbšćiny za dorosćenych,
  2. zhromadne dźěło a wuměna z fachowcami a kooperaciskimi partnerami, tež na europskej runinje,
  3. přihotowanje a šěrjenje inowatiwnych wuknjenskich metodow a medijow k přiswojenju serbskeje rěče,
  4. přewjedźenje kursow we wšěch niwowowych schodźenkach,
  5. kwalifikowanje dalšich docentow za rěčne kursy a natwar syće,
  6. poradźowanje k projektej a projektoweho teama,
  7. sobuskutkowanje při nadźěłanju akciskeho plana, při zjawnostnym dźěle a při ewaluaciji projektowych zaměrow

Wuměnjenja a wočakowanja

  • wysokošulske wotzamknjenje na polu duchownych abo socialnych wědomosćow, wotpowědne powołanske nazhonjenja,
  • jara dobre ertne a pisomne wobknježenje hornjoserbšćiny, němčiny a jendźelšćiny
  • znajomosće a nazhonjenja na polu rěčnych kursow tež w online-wuwučowanju, wjeselo na wobchadźe z ludźimi rozdźělneje staroby,
  • dobre znajomosće na polu situacije serbskeje rěče, rěčneho planowanja, rewitalizacije a rěčneje politiki,
  • jara dobre komunikaciske zamóžnosće a zwólniwosć w teamje dźěłać.

Dźěłowy čas wučinja wokomiknje 30 hodźinow wob tydźeń, městno je wobmjezowane hač do 31.12.2026. Mzdu płaćimy po TV-L. Dźěłowe městno je w Budyšinje.

Na požadanje ćežkozbrašenych při jenakich kmanosćach prěnjorjadnje dźiwamy. Při prašenjach wobroćće so na Dianu Pawlikowu (tel./mobil: 03591/3163850 abo diana.pawlikowa@domowina.de)

Maće-li zajim a lóšt na nowe wužadanje, potom požadajće so prošu ze swojimi dospołnymi podłožkami w zarjadnistwje Domowiny w Budyšinje:

Domowina – Zwjazk Łužiskich Serbow z. t.
Judit Šołćina
Póstowe naměsto 2
02625 Budyšin

sekretariat@domowina.de


Wupisanje dźěłoweho městna

W zarjedźe Domowiny ma so hnydom městno

projektoweje asistency (m/ž/n)

wobsadźić, zo by so team za projekt “Syć za regionalnu identitu a serbsku rěč” zesylnił.

Dźěłowe wobłuki

  • sobudźěło w projekće z teamom a podpěra w projektowym managemenće

  • běžne přepruwowanje finančneho plana w zwisku z wudawkami a dochodami, wjedźenje přehladow, lisćinow za inwentar, nakupy a nadawki

  • přidźěło k rozprawnistwu

  • samostatne nadawki w zwisku z projektom

  • dokumentacija zarjadowanjow

  • podpěra w zjawnostnym dźěle

Waš profil

  • wotzamknjene překupske wukubłanje abo přirunujomna kwalifikacija z wotpowědnymi powołanskimi nazhonjenjemi

  • wobknježenje kompjuterowych programow MS Office a dalšich digitalnych posłužbow

  • ertne a pisomne wobknježenje serbskeje a němskeje rěče

  • nazhonjenja na polu projektoweho managementa a wobhospodarjenja budgetow

  • samostatne wašnje dźěłanja a zwólniwosć w teamje dźěłać

Was wočakuje zajimawy, wotměnjawy nadawk we Łužicy. Na Was wjeseli so přećelny serbski team z přijomnej kolegialnej atmosferu.

Dźěłowy čas wučinja wokomiknje znajmjeńša 20 hodźinow wob tydźeń (dalše hodźiny po dorěčenju su móžne), městno je wobmjezowane hač do 31.12.2026. Mzdu płaćimy po TV-L. Dźěłowe městno je w Budyšinje.

Na požadanje ćežkozbrašenych při jenakich kmanosćach prěnjorjadnje dźiwamy. Při prašenjach wobroćće so na Dianu Pawlikowu (tel./mobil: 03591/3163850 abo diana.pawlikowa@domowina.de)

Maće-li zajim za nowe wužadanje, potom požadajće so prošu hač do 17.05.2023 ze swojimi dospołnymi podłožkami w zarjedźe Domowiny:

Domowina – Zwjazk Łužiskich Serbow z. t.
Judit Šołćina
Póstowe naměsto 2
02625 Budyšin

sekretariat@domowina.de




WUPISANJE

W zarjadnistwje Domowiny ma so městno

referenta za komunalne, gremijowe a ministerialne naležnosće (m/ž/d)

wobsadźić.

Přistajena wosoba dźěła w stajnym wothłosowanju z předsydu a z jednaćelstwom Domowiny.

• Wona je hłowna zamołwita Domowiny za koordinaciju dźěła z gremijemi, kotrež zaběraja so na komunalnej, krajnej a zwjazkowej runinje ze serbskimi naležnosćemi.
• Wona posudźuje a analyzuje płaćiwe předpisy a zakonje k škitej serbskeje rěče a kultury a wotwodźuje trěbne kročele za jich planowanje.
• Na tutym zakładźe přidźěła prezidijej a jednaćelstwu trěbne stejnišća Domowiny w jeje funkciji jako připóznaty třěšny zwjazk Serbow.

Wuměnjenja za přistajenje su:

• wysokošulske wukubłanje po móžnosći na prawniskim/politiskim polu, w towaršnych wědomosćach abo podobne,
• po móžnosći nazhonjenja w serbskim towaršnym a institucionelnym žiwjenju,
• dobre ertne a pisomne znajomosće serbskeje rěče abo zwólniwosć sej delnjo- abo hornjoserbšćinu přiswojić,
• zamóžnosće wobchadźenja z digitalnymi srědkami běrowoweho dźěła,
• komunikatiwne wašnje dźěła a
• jězbna dowolnosć.

Dźěłowy čas wučinja 40 hodźin wob tydźeń, mjenje je móžno. Mzdu płaćimy po TV-L.

Na powabjenje ćežkozbrašenych hlada so při samsnych zamóžnosćach prěnjorjadnje.

Maće-li zajim za nowe wužadanje, potom zapodajće swoje požadanje prošu ze wšěmi podłožkami w zarjadnistwje Domowiny w Budyšinje abo w Choćebuzu.

Domowina – Zwjazk Łužiskich Serbow z. t.
Judit Šołćina

Póstowe naměsto 2
02625 Budyšin
sekretariat@domowina.de

abo:

Domowina – Zwězk Łužyskich Serbow z.t.
Marcus Końcaŕ

Droga Augusta Bebela 82
03046 Chóśebuz
marcus.koncar@domowina.de


W zastojnstwje Domowiny ma se w nejžblišem casu městno

referenta za komunalne, gremijowe a ministerialne nastupnosći (m/ž/d)

wobsajźiś.

Pśistajona wósoba źěła w stawnem wótgłosowanju z pśedsedarjom a jadnarjoma Domowiny.

  •  Wóna jo głowna zagronita Domowiny za koordinaciju źěła z gremijami, kótarež zaběraju se na komunalnej, krajnej a zwězkowej rowninje ze serbskimi nastupnosćami.
  • Wóna pósuźujo a analyzěrujo płaśece pśedpisy a kaznje k šćitoju serbskeje rěcy a kultury a wótwoźujo trěbne kšace za jich ponowjenje.
  • Na tom zakłaźe pśiźěłajo pśedsedarjeju, prezidijoju a jadnarjoma trěbne stojnišća Domowiny w jeje funkciji ako pśipóznaty kšywowy zwězk Serbow.

Wuměnjenja za pśistajenje su:

  • wusokošulske wukubłanje, pó móžnosći na pšawniskim/politiskim pólu, w towarišnostnych wědomnosćach abo pódobne,
  • pó móžnosći nazgónjenja w serbskem towaristwowem abo institucionelnem žywjenju,
  • dobre wustne a pisne znaśa serbskeje rěcy a zwólniwosć se dolno- abo górnoserbšćinu pśiswójiś,
  • zamóžnosć za wobchadanje z digitalnymi srědkami běrowowego źěła,
  • komunikatiwna wašnja źěła,
  • jězdna dowolnosć

Źěłowy cas wucynijo 40 góźin wob tyźeń, mjenjej jo móžno. Myto płaśimy pó TV-L.

Na powabjenje śěžkozbrašonych glěda se pśi samskich zamóžnosćach w prědnem rěźe.

Maśo-li zajm za take nowe wupominanje, potom zapódajśo Wašo powabjenje pšosym ze wšymi pódłožkami w zastojnstwje Domowiny w Budyšynje abo w Chóśebuzu:

Domowina – Zwjazk Łužiskich Serbow z. t.
Judit Šołćina

Póstowe naměsto 2
02625 Budyšin
sekretariat@domowina.de

abo:

Domowina – Zwězk Łužyskich Serbow z.t.
Marcus Końcaŕ

Droga Augusta Bebela 82
03046 Chóśebuz
marcus.koncar@domowina.de