Wupisanje dźěłowych městnow | Wupisanje źěłowych městnow | Stellenausschreibungen

WUPISANJE

Domowina pyta w najblišim času za srjedźnu Łužicu

motiwatora za tworjenje rěčnych rumow a nałožowanje serbskeje rěče (m/ ž/ d)

Motiwator/ka ma podpěrać serbske žiwjenje w Slepom a wokolinje. Dźěło je wusměrjene na župu, towarstwa a kubłanišća. Wón/wona skutkuje w regionje na městnje a natwarja krok po kroku syć zajimcow.

Wón/wona dźěła z ludźimi a za ludźi a

  • poradźuje a podpěra cyłki při nałožowanju serbskeje rěče
  • pomha zajimcam so w serbšćinje wukmanić
  • pomha zarjadowanja přewjesć a projekty nastorčić
  • přinošuje z tym k wutworjenju a rozšěrjenju serbskich rěčnych rumow

Dźěłowy wobjim wučinja 40 hodźin wob tydźeń, mjenje je po dorěčenju móžno. Mzdu płaćimy po TV-L. Jězbna dowolnosć je trěbna.

Namołwjene su wosoby, kotrež

  • su komunikatiwne a maja organizatorisku žiłku
  • horja so za serbsku rěč a serbske žiwjenje
  • njeboja so nowych wužadanjow a maja pozitiwne nastajenje.

Smy waš zajim zbudźili? Jeli maće prašenja, rady na nje wotmołwimy.

Požadajće so prošu ze swojimi podłožkami hač do 31.10.2022 pola hłowneje jednaćelki w Budyšinje abo pola jednaćela Domowiny w Choćebuzu.

Domowina – Zwjazk Łužiskich Serbow z. t.
Judit Šołćina

Póstowe naměsto 2
02625 Budyšin
sekretariat@domowina.de

abo:

Domowina – Zwězk Łužyskich Serbow z.t.
Marcus Końcaŕ

Droga Augusta Bebela 82
03046 Chóśebuz
marcus.koncar@domowina.de

WUPISANJE

W zarjadnistwje Domowiny ma so w blišim času městno

referenta za komunalne, gremijowe a ministerialne naležnosće (m/ž/d)

wobsadźić.

Přistajena wosoba dźěła w stajnym wothłosowanju z předsydu a z jednaćelstwom Domowiny.

• Wona budźe hłowna zamołwita Domowiny za koordinaciju dźěła z gremijemi, kotrež zaběraja so na komunalnej, krajnej a zwjazkowej runinje ze serbskimi naležnosćemi.
• Wona posudźuje a analyzuje płaćiwe předpisy a zakonje k škitej serbskeje rěče a kultury a wotwodźuje trěbne kročele za jich planowanje.
• Na tutym zakładźe přidźěła prezidijej a jednaćelstwu trěbne stejnišća Domowiny w jeje funkciji jako připóznaty třěšny zwjazk Serbow.

Wuměnjenja za přistajenje su:

• wysokošulske wukubłanje abo podobne, po móžnosći na prawniskim polu abo w towaršnych wědomosćach,
• po móžnosći nazhonjenja w serbskim towaršnym a institucionelnym žiwjenju,
• dobre ertne a pisomne znajomosće serbskeje rěče abo zwólniwosć sej delnjo- abo hornjoserbšćinu přiswojić,
• zamóžnosće wobchadźenja z digitalnymi srědkami běrowoweho dźěła,
• komunikatiwne wašnje dźěła a
• jězbna dowolnosć.

Dźěłowy čas wučinja 40 hodźin wob tydźeń, mjenje je móžno. Mzdu płaćimy po TV-L.
Dźěłowe městno je Choćebuz.

Na powabjenje ćežkozbrašenych hlada so při samsnych zamóžnosćach prěnjorjadnje.

Maće-li zajim za nowe wužadanje, potom zapodajće swoje požadanje prošu hač do 31.10. 2022 ze wšěmi podłožkami w zarjadnistwje Domowiny w Budyšinje abo w Choćebuzu.

Domowina – Zwjazk Łužiskich Serbow z. t.
Judit Šołćina

Póstowe naměsto 2
02625 Budyšin
sekretariat@domowina.de

abo:

Domowina – Zwězk Łužyskich Serbow z.t.
Marcus Końcaŕ

Droga Augusta Bebela 82
03046 Chóśebuz
marcus.koncar@domowina.de


W zastojnstwje Domowiny ma se w nejžblišem casu městno

referenta za komunalne, gremijowe a ministerialne nastupnosći (m/ž/d)

wobsajźiś.

Pśistajona wósoba źěła w stawnem wótgłosowanju z pśedsedarjom a jadnarjoma Domowiny.

  •  Wóna buźo głowna zagronita Domowiny za koordinaciju źěła z gremijami, kótarež zaběraju se na komunalnej, krajnej a zwězkowej rowninje ze serbskimi nastupnosćami.
  • Wóna pósuźujo a analyzěrujo płaśece pśedpisy a kaznje k šćitoju serbskeje rěcy a kultury a wótwoźujo trěbne kšace za jich ponowjenje.
  • Na tom zakłaźe pśiźěłajo pśedsedarjeju, prezidijoju a jadnarjoma trěbne stojnišća Domowiny w jeje funkciji ako pśipóznaty kšywowy zwězk Serbow.

Wuměnjenja za pśistajenje su:

  • wusokošulske wukubłanje abo pódobne, pó móžnosći na pšawniskim pólu abo w towarišnostnych wědomnosćach,
  • pó móžnosći nazgónjenja w serbskem towaristwowem abo institucionelnem žywjenju,
  • dobre wustne a pisne znaśa serbskeje rěcy a zwólniwosć se dolno- abo górnoserbšćinu pśiswójiś,
  • zamóžnosć za wobchadanje z digitalnymi srědkami běrowowego źěła,
  • komunikatiwna wašnja źěła,
  • jězdna dowolnosć

Źěłowy cas wucynijo 40 góźin wob tyźeń, mjenjej jo móžno. Myto płaśimy pó TV-L.

Źěłowe městno jo w Chóśebuzu.

Na powabjenje śěžkozbrašonych glěda se pśi samskich zamóžnosćach w prědnem rěźe.

Maśo-li zajm za take nowe wupominanje, potom zapódajśo Wašo powabjenje pšosym až do 31.10.2022 ze wšymi pódłožkami w zastojnstwje Domowiny w Budyšynje abo w Chóśebuzu:

Domowina – Zwjazk Łužiskich Serbow z. t.
Judit Šołćina

Póstowe naměsto 2
02625 Budyšin
sekretariat@domowina.de

abo:

Domowina – Zwězk Łužyskich Serbow z.t.
Marcus Końcaŕ

Droga Augusta Bebela 82
03046 Chóśebuz
marcus.koncar@domowina.de


W zarjedźe Domowiny ma so jako zastup za staršiski čas městno

kubłanskeje referentki za młodźinu/
kubłanskeho referenta za młodźinu

wobsadźić.

Pytana je kreatiwna a angažowana wosobina, kotraž zamóže wobsahowje a organizatorisce koordinować a zajimcow do zhromadnych projektow wjazać.

Dźěłowe wobłuki

- koordinowanje poskitkow w ramiku dźěćaceje a młodźinskeje pomocy po SGB VIII

- koncepcionelne wuwiwanje a přewjedźenje projektow na polu kubłanja

- wutworjenje poradźowanskich poskitkow za serbsku młodźinu

- sobuskutkowanje w gremijach młodźinskeje pomocy

- kwalitny management a naprawy k skutkownemu škitej dźěći a młodostnych

Wuměnjenja za přistajenje

- pedagogiske, socialnopedagogiske abo za dźěłowy wobłuk přirunajomne wukubłanje

- ertne a pisomne wobknježenje serbšćiny

- kmanosć samostatneje dźěławosće, zwólniwosć zasadźenja a fleksibelnosć

- jězbna dowolnosć

Dźěłowy wobjim wučinja 30 hodźin tydźensce. Mzda płaći so po TV-L.

Dźěłowe městno je Budyšin. Teritorij dźěławosće je sydlenski rum Serbow w Sakskej.

Na požadanje ćežkozbrašenych so při jenakich kmanosćach prěnjotnje dźiwa.

Smy Waš zajim zbudźili? Jeli haj, požadajće so prošu ze swojimi dospołnymi podłožkami pola jednaćela Domowiny:

Domowina – Zwjazk Łužiskich Serbow z. t.
Judit Šołćina

Póstowe naměsto 2
02625 Budyšin

sekretariat(at)domowina.de

Dalše informacije tež pod www.domowina.de.