Wutrobnje přeprošamy wšěch zajimcow na přichodne posedźenje Zwjazkoweho předsydstwa Domowiny, kotrež budźe

pjatk, 27.09.2024 we 18 hodź. w Serbskim kulturnym centrumje w Slepom.

Županka Diana Maticowa rozprawja wo aktualnej dźěławosći tamnišeje župy Jakub Lorenc-Zalěski. Mjez druhim předstaja so dale rozprawy za lěto 2023, naćisk hospodarskeho plana 2025 a powołuja so serbscy zastupjerjo do gremijow.

Dalši dnjowy dypk je nominowanje štyrjoch kandidatow za nowowólby Rady za serbske naležnosće Swobodneho stata Sakska na dobu 2024-2029. Tute wotměje so po wólbnym porjedźe Domowiny. Za přewjedźenje nominowanja je wólbny wuběrk zamołwity, kotryž so na posedźenju wot čłonkow a  čłonow zwjazkoweho předsydstwa woli. Hač do 15.08.24 mějachu zajimcy móžnosć, swoju kandidaturu za serbsku radu pola třěšneho zwjazka zapodać. Sćěhowace wosoby su kandidaturu zapodali:

• Julian Nyča, Škit Budyšin z.t.
• Jan Ryćer, župa „Jan Arnošt Smoler” Budyšin, Zwjazk serbskich rjemjeslnikow a předewzaćelow z.t.
• Dawid Statnik, župa „Michał Hórnik“ Kamjenc
• Marko Suchy, Spěchowanski kruh za serbsku ludowu kulturu z.t.
• Diana Šołćina, Serbske šulske towarstwo z.t.

Rada za serbske naležnosće Swobodneho stata Sakskeje poradźuje Sakski krajny sejm w naležnosćach, kotrež prawa serbskeje ludnosće nastupaja, a statne knježerstwo.

Posedźenje so na našim youtube-kanalu přenjese.

Podłožki su na našej webstronje wozjewjene

dnjowy porjad, serbsce | dnjowy porjad, němsce | wšitke podłožki