Zwjazkowe předsydstwo budźe so z dźěławosću serbskich radźićelow w załožbowej radźe zaběrać – podłožki a dnjowy porjad nětko online

Prěni dypk dnjoweho porjada zwjazkoweho předsydstwa Domowiny pjatk wječor, 23. požnjenca, w Choćebuzu, budźe rozprawa serbskich čłonow załožboweje rady ze Sakskeje. Dźe wo rezimej dźěławosće 2019-2023 a wuhlad na nadawki w nowej wólbnej dobje 2023-2027. Serbskich radźićelow ze Sakskeje je zwjazkowe předsydstwo kónc 2018 woliło. Gremij chce na swojim přichodnym posedźenju tež namołwu k zapodaću namjetow a wólbny porjad za wuzwolenje serbskich zastupjerjow ze Sakskeje do załožboweje rady wobzamknyć.

Tež z rozprawu dotalneho zastupjerja Serbow w rozhłosowej radźe RBB w aktualnej wólbnej dobje a z delegowanjom serbskeho zastupjerja za dobu 2023-2027 chce so zwjazkowe předsydstwo zaběrać. Tute a wšě dalše temy su na internetnej stronje třěšneho zwjazka přistupne:

dnjowy porjad (PDF);

Tagesordnung (PDF).

Tu namakaja zajimcy tež wšě předłohi za wobzamknjenja w zjawnym dźělu (PDF) wuradźowanja.

Posedźenje so live na Youtube-kanalu a startowej stronje Domowiny w interneće wusyła. Čłonojo Domowiny a zajimcy, kiž maja naprašowanja k serbskim naležnosćam, móža je hižo do toho zapodać na: marcel.brauman@domowina.de. Wuradźowanje zwjazkoweho předsydstwa so 23.9. wot 17.30 hodź. w Dolnoserbskim internaće w Choćebuzu wotměje.

Kommentare und Antworten

×

Name ist erforderlich!

Geben Sie einen gültigen Namen ein

Gültige E-Mail ist erforderlich!

Gib eine gültige E-Mail Adresse ein

Kommentar ist erforderlich!

Captcha Code Kann das Bild nicht gelesen werden? Klicken Sie hier, um zu aktualisieren

Captcha ist erforderlich!

Code stimmt nicht überein!

* Diese Felder sind erforderlich.

Sei der erste der kommentiert