Štwórtk nawječor je so lětuše wuradźowanje předsydy Domowiny, Dawida Statnika, ze županami a předsydami čłonskich towarstwow a zwjazkow třěšneho zwjazka wotměło. Wuměnjenjow pandemije dla běše zarjadowanje tón raz na žurli Serbskeho domu w Budyšinje. W srjedźišću steješe praktiske prašenje, kak móhli hišće bóle spěchowanje kultury a wutworjenje nowych rěčnych rumow zwjazać. Dale su woni informacije wo přihotach na hłownu zhromadźiznu a „Lěto župow” wuměnili.