Poprawom je šula chutna, seriozna naležnosć. Za wólbernosće šulerjo a wučerjo žane chwile nimaja. Wězo, zo je to tež w Pawołskej šuli w Rakecach tak. Alesobotu, 27. oktobra,chcedźa tam jónu wuwzaće činić.Za tutón dźeń su sej  samo  "Wólbernosće" do Rakec přeprosyli. Hudźbna skupina z  mjenom "Wólbernosće" ma so wo dobru naladu na druhim dwurěčnym swójbnym popołdnju w Rakecach postarać. Při tym pomhać chcedźa rejwarki a rejwarjo dźěćaceje rejowanskeje skupiny "Łužičanka" a wosebje tež šulerjo pjateho lětnika. Šulerjo pjateho lětnika wopytachu spočatk oktobra mjez druhim Serbski ludowy ansambl a zeznachu tam tež serbske reje.Šulerjo šesteho lětnika přihotuja kofej a tykanc za mału swačinu. Wobdźělenje na swójbnym popołdnju  je darmotne. Za kofej a tykanc pak budźe mały fenk trěbny.Wotběh swójbneho popołdnja:14:45 hodź. zastup15:00 hodź. započatk 17:00 hodź. kónc   Městno zarjadowanja: awla w Pawołskej šuli w Rakecach, Nowowjesnjanska dróha 12a