Nowosće z Rěčneho centruma WITAJ

Lutki 3-2025 wušli | Dźěłowy zešiwk „Zwučujemy a pisamy 3“ | Čitanska křinja “Naši kuzłarjo rěče”

Terminy (wuběr) z protyčki 27.10. do 02.11.2025 

24.-26.10.2025 konferenca “Róla hudźby za regionalne a mjeńšinowe rěče w Europje” w Bremenje; Jadwiga Bryckec (ZARI) wobdźěli so z krótkim přednoškom wo Serbach; zarjadowar: Krajowy centrum za delnjoněmčinu (Länderzentrum für Niederdeutsch) 

wutoru, 28.10.2025 

• 14:30 hodź. prěni wopyt Zwjazkoweho kanclera Friedricha Merza w Sakskej statnej kencliji w Drježdźanach; mějićelka hosćenca Wjelbik a pósłanča turizma 2024 Monika Lukašowa z dźowkomaj jeho w mjenje Serbow powita, informacije poda po naprašowanju nowinski rěčnik Sakskeje statneje kenclije Ralph Schreiber (presse@sk.sachsen.de / tel. +49 351 564 10300) 

• 14:00 - 16:00 hodź., 17:00 – 19:00 hodź. poskitk “Zhotowimy sej swój rěčacy fotowy album” we Wojerowskim Domowinskim domje, informacije poda rěčna motiwatorka projekta ZARI Marija Šołćic 

• 16:00 hodź. čłonska zhromadźizna zwjazka tvbunt w Biskopicach, w mjenje Domowiny, kotraž je čłonka, wobdźělitej so jednaćelka Judit Šołćina a wjednica RCW dr. Beata Brězanowa, informacije poda sobudźěłaćer tvbunt christian.schaefer@tvbunt.de / 0152 0438 2257 

• 19:00 hodź. interaktiwny přednošk z dr. Christinu Piniekowej we wohnjowej woborje w Barće, informacije poda rěčny motiwator projekta ZARI Lucian Kaulfürst 

srjedu, 29.10.2025 

• 16:00 hodź. posedźenje přirady za serbske naležnosće města Wojerecy, w Starej radnicy při torhošću, županka Wojerowskeje župy Gabriela Linakowa so wobdźěli 

• 16:00 hodź. hłowna a wólbna zhromadźizny župy Jakub Lorenc-Zalěski w Serbskim kulturnym centrumje w Slepom, mj. dr. wobdźěli so předsyda Dawid Statnik, informacije poda na naprašowanje regionalna rěčnica Diana Maticowa 

štwórtk, 30.10.2025 

• 15:30 hodź. zhromadne spěwanje na Šusteroc kachlowej ławce (Šusteroc dwór w Trjebinje), informacije poda na naprašowanje rěčna motiwatorka projekta ZARI Juliana Kaulfürstowa 

njedźelu, 02.11.2025 

• 16:00 hodź. nazymski koncert z dujerskej kapału “Horjany” we wjesnej hospodźe w Bukecach, wot 15:00 hodź. poskićuje so kofej a tykanc, informacije poda na naprašowanje Kathrin Młynkowa