Kikštart – kurs serbšćiny za započatkarjow

ZARI wuhotuje w prěnim tydźenju zymskich prózdnin (wot póndźele do štwórtka) štyridnjowski intensiwny kurs "Kikštart" za započatkarjow w Zdźarowskim rěčnym hnězdźe (Hłowna dróha 21, 02999 Wulke Ždźary). Kurs wotměje so wot 9. do 12. februara stajnje wot 9 do 15 hodź. Zajimcy móža so hač do 2.2. na našej webstronje přizjewić: hlej https://zari-domowina.de/veranstaltung/kikstart-sorbisch-fuer-einsteiger/

Wobdźělnicy zaběraja so z najwažnišimi wobrotami a postrowami, wuknu zakładny słowoskład a kak so serbsce předstajiš abo na swjedźenju něšto serbsce skazaš. Nimo toho zwučujemy wosebje wurjekowanje serbskich słowow a sposrědkujemy zasadne fakty wo serbskej rěči a serbskich stawiznach. Kurs měri so na započatkarjow bjez wjetšich znajomosćow, kotřiž chcedźa sej přehlad wo serbšćinje tworić a zakład za dalše wuknjenje połožić.

+++

Wubědźowanje za dorosćenych wo najrjeńše jutrowne jejko

Towarstwo spěchowanski kruh za ludowu kulturu přewjedźe lětsa swoje 73. wubědźowanje wo najrjeńše jutrowne jejko. Wotnětka hač do 18.02.2026 je móžno, swoje jejko/a wotedać. Wšitke wuměnjenja za wubědźowanje čitaće w přiłoze a na webstronje www.sorbische-volkskultur.de.

+++

Kreatiwny camp “PopToGo”

Domowina je hižo mnoho lět kooperaciski partner programa Pop2Go, kotryž so w Budyšinje ze stron Kamjentneho domu organizuje. Tež lětsa zaso přewjedźe so wot 9.-14. februara zymski hudźbny camp “Pop2GoKreativcamp”, na kotryž su dźěći a młodostni w starobje 10 do 18 lět přeprošeni a to darmotnje. Přizjewjenski formular namakaće w přiłoze. Wjace čitaće na webstronje PopToGo Kreativcamp 2026 | Steinhaus Bautzen.

+++

Terminy (wuběr) z protyčki 19.01. do 25.01.2026 

póndźelu, 19.01.2026 

• posedźenje župneho předsydstwa župy Wojerecy, w Domowinskim domje, informacije poda po naprašowanju županka Gabriela Linakowa 

wałtoru, 20.01.2026 

• zeger 14.00 pśedstajenje “koncepta trajnosći wokrejsa Sprjewja-Nysa" w Baršću, wobźělijo se: Heike Apeltowa 

srjedu, 21.01. 2026 

• 18.00 hodź. hłowna zhromadźizna Serbskeho šulskeho towarstwa w Smjerdźacej, wobdźěli so mj. dr. předsyda Dawid Statnik 

štwórtk, 22.01.2026   

• 9.30 hodź. “Ptači kwas” w Sakskej statnej kencliji, ministerski prezident Sakskeje Michael Kretschmer wita skupinu dźěći z Worklečan pěstowarnje “K wódnemu mužej”,

wobdźělitaj so čłon prezidija Domowiny Marko Hančik a kubłanska referentka Katrin Suchec-Dźisławkowa 

• 10.30 hodź. wopyt poradźowaceho wuběrka Europskeje rady za Ramikowe dojednanje za škit narodnych mjeńšin w Budyšinje, rozmołwa z Domowinu pod nawodom předsydy Dawida Statnika 

• 16.00 hodź. posedźenje prezidija Domowiny w Budyskim Serbskim domje, informacije poda Božena Šimanec 

pjatk, 23.01.2026 

• 16 – 19.00 hodź. smokowanje serbskeje fale, w Serbskim domje (stwa 106), přizjewjenja su hišće móžne, 

informacije poda na naprašowanje Sonja Hrjehorjowa, nawodnica kulturneho wobłuka w projekće ZARI,