Pjatk, 21.1., popołdnju je so na digitalnym posedźenju wuběrk zwjazkoweho předsydstwa Domowiny za zjawnostne a wukrajne dźěło skonstituował. Prěni wuslědk wuradźowanja: Nowy předsyda wuběrka je Krystof Grofa, městopředsyda Beno Bělk. Wuběrk chce so přichodnje wobrazej Serbow w šěršej zjawnosći wěnować a wosebje tež zesylnjowanje prezency třěšneho zwjazka na polu nowych medijow a digitalnych socialnych syćow podpěrować. Woni su so w tutym zwisku na to dorozumili, eksternych fachowcow do dźěławosće wuběrka zapřijeć.

Krystof Grofa (26), kiž je mjeztym tež čłon předsydstwa Młodźiny europskich narodnych skupin, MENS, je so loni do wólbow zwjazkoweho předsydstwa tež w blogu Domowiny předstajił:

https://domowina.blog/2021/06/07/kandidatury-2021-krystof-grofa/