Štwórtk, 20.11.25 zahaji (nimo Walter Bandelj, President of SSO a Ksenja Dobrila, President of SKGZ) dr. HARTMUT LEIPNER, jako předsyda dźěłoweje skupiny słowjanskich mjeńšinow a zdobom viceprezident FUEN lětuši seminar FUEN.
Lětsa je słowjenska mjeńšina z Italskej hosćićel za něhdźe 50 hosći z 15 mjeńšinow a Gorica městnosć zeńdźenja. Nimo dr. Leipnera wobdźělitaj so za Serbow Beno Bělk jako čłon Zwjazkoweho předsydstwa a Clemens Škoda, referent Domowiny.
Prěni wječor seminara zakónči so z kulturnym programom hudźbnjeje šule z Goricy.

2. dźeń

Pjatk 21.11.25, wotmě so druhi dźeń seminara FUEN dźěłoweje skupiny słowjanskich mjeńšinow w italskim měsće GORICA.

Dopołdnja předstajichu so lokalni politisce zamowłići (mjena w programje – hlej přiłoha) a rysowachu jich wid na wjacerěčny region wokoło Goricy.

Tu bydla Słowjeńcy, Italčenjo, Němcy a Frieulčenjo hromadźe.

Wosebje so pokaza tuta pisanošć w lětušim KULTURNYM MĚSĆE EUROPY – Gorica 2025 - „Projekt GO! Bjorderless”, kotryž so přez projektny team předstaji.

Dale předstaji so na tutym dnju projektny team, kotryž organizuje EUROPEADU 2028, kotraž so tu wotměwać budźe.

Kedźbyhódna běše dwuhodźinska ekskurzija k słowjenskim gymnazijej w Goricy. Nic direktorka, ale šulerjo gymnazija předstajichu dwrěčnje swoju mjeńšinu a gymnazij, na kotrymž wuknu.

Popołdnju přizamknje so panel, w kotrymž wobjednawachu so aktualne problemy wobdźělenych mjeńšinow.

3. dźeń

Při witanju spominachu na dołholětneho čłona skupiny, Ivana Budinčewića – Chorwata ze Serbiskeje, kotryž běše lětsa njejapcy zemrěł.

Dźensa stejachu wosebje słowjanske mjeńšiny, jich situacije a aktualne wužadanja w fokusu.

Wobšěrnje předstaji so nowy sobustaw, ukrainska mjeńšina w Madźarskej, kotraž wudźeržuje nětko swoje šule a wutwari prócowanja na kulturnym a rěčnym polu z podpěru madźarskich statnych instancow.

Kedźbyhódna běše tež rozprawa serbiskeje mjeńšiny w Chorwatskej, kotraž je tuchwilu nadběhowana wot nacionalistiskich mocow z Chorwatskeje.

Diskusija wo tym pokaza, zo je solidarita mjez mjeńšinami z nimi bjez wuwzaća. Konsens je zdobom, zo su rosćace prawicarske prudy w Europje wulki strach za mjeńšiny a mnohostronskosć w našich towaršnosćach. Zastupjerka chorwatskeje mjeńšiny z Italskeje poskići při tym pomoc při sposrědkowanju a rozrisanju konflikta. Skupina dojedna so na sformulowanje rezolucije k tomu.

Tež rozprawa Rusinow z Ukrainy pokaza znowa straty wójny, kotraž so bjezposrědne na dźěło Rusinow wuskutkuje. Nadźijeja so na bórzomny kónc wójny a přistup Ukrainy do EU a za tym na nowu dynamiku za swoje prawa.

Matic Germovček, koordinator FUEN za AGSM dźakowaše so při rozprawje dźěławosće Zwjazkowej Republice (Ministerstwo za nutřkowne naležnosće - BMI), kotraž zarjadowanje kóžde lěto spušćomnje spěchuje.

Rozprawa wobsahowaše plany a terminy w přichodźe a prezentaciju předźěłaneje wjacerěčneje webstrony AGSM.

Při wólbach wo rěčnika dźěłoweje skupiny wuzwoli so znowa Hartmut Leipner na dalše 3 lět (zdobom je wón vice-prezident FUEN a čłon prezidija Domowiny).

Dale dojednachu so wobdźělnicy, zo wotměje so přichodny seminar 2026 w TIRANJE – Albaniskej.

Na kóncu oficialneho dźěla spominachu přitomni z krótkej nutrnosću na iniciatiwu ukrainskeje mjeńšiny z Madźarskej na wopory Holomodora (hlej foto).

Popołdnju přizamknje so ekskursija do europskeho kulturneho města 2025 – Gorica.