Zašły štwórtk, 15.5.2025 stej Sonja Hrjehorjowa a Helena Palmanowa, kotrež tworještej jury, w nadawku Spěchowanskeho kruha za serbsku ludowu kulturu wo dobyćerjach w lětušim wubědźowanju wo najrjeńše serbske jutrowne jejko za dźěći a młodostnych rozsudźiłoj.

Kaž projektna managerka Domowiny Rejzka Krügerowa zdźěli, su so “63 jednotliwcow wobdźělili.” Nimo mytowanjow we wosom starobnych skupinach mjez 3 a 24 lětami je Spěchowanski kruh zaso młodźinske spěchowanske myto spožčił, kiž je z 75 eurami dotěrowane. Dobyćer je 12-lětny Tonda Kasper ze Židźinoho (Seidewinkel), kotryž so z techniku wóskowanja wobdźěli.

“Dokelž staj přihot a debjenje jejkow we wóskowanju wo wjele naročnišej hač bosěrowanje, so wóskowanje widźomnje poněčim pozhubja.”, tak Hrjehorjowa a Palmanowa. Tuž chwaleštej sej tež wosebje kolekcije, kotrež so w technice wóskowanja zapodachu. Wonej doporučatej nimo toho na to dźiwać, zo so pola zapodatych jejkow we wubědźowanju serbska ornamentika wužiwa – na přikład njeměł so žadyn slěborny abo złoty wósk wužiwać.

++ Lisćinu dobyćerkow a dobyćerjow namakaće tule w přiłoze (jako PDF) ++

Foće:

• Młodźinske spěchowanske myto - Tonda Kasper ze Židźinoho (foto: Spěchowanski kruh za serbsku ludowu kulturu/Franciska Grajcarekowa)  
• jury: Sonja Hrjehorjowa a Helena Palmanowa (wotlěwa) (foto: Domowina/Rejzka Krügerowa

Zarjadowar projekta je Spěchowanski kruh za serbsku ludowu kulturu z.t. Projektny management Domowiny projekt podpěruje. Załožba za serbski lud jón spěchuje.