Serbja w FUEN zastupjeni

Minjeny kónc tydźenja wotmě so w Bozenje 69. kongres FUEN. Tematiske ćežišća běchu mj. dr. škit mjeńšin, geoblocking a wuměna mjez regionami.
We wobłuku hłowneje a wólbneje zhromadźizny bu městopředsyda Domowiny dr. Hartmut Leipner ze 168 hłosami za wiceprezidenta wuzwoleny. Wón je zdobom rěčnik dźěłoweje skupiny słowjanskich mjeńšin w FUEN. Dalše wuslědki lětušeho kongresa namakaće na fuen.org

+++

Nowosće z Rěčneho centruma WITAJ

Dźěłowy zešiwk „Zwučujemy a pisamy 3“ | Naši kuzłarjo rěče | Płomjo 11-2025 wušło

+++

Terminy (wuběr) z protyčki 03.11. do 09.11.2025

srjedu, 05.11.2025 

• 16.00 hodź. wuradźowanje předsydy Domowiny ze župankami a županami a z předsydkami a předsydami čłonskich towarstwow a zwjazkow w Budyskim Serbskim domje (njezjawne) 

sobotu, 08.11.2025 

• 16.00 hodź. nazymski koncert chóra “Meja” w Budyskim Serbskim domje, chór překwapi z wosebitym programom Jurija Winarja 

• zeger 18.00 nazymski koncert “Serbska rejowańska kupka Smjerdźaca a muska spiwna kupka Přezpólni” w gósćeńcu “K lipje” (Lipowa droga 1 w Janšojcach) 

• 19.00 hodź. nazymski koncert “Jan a Helena Brězan-Hejduškec” na žurli Smolic statoka w Hórkach 

njedźelu, 09.11.2025

• 13.00 – 18.00 hodź. zetkanje swójbow w Budyskim Nowym měsće (sportownja Fichtoweje zakładneje šule, Při Fichtowej šuli 5, 02625 Budyšin).

Prošu přinjesće sej sportowe črije a blešu z napojom sobu. Wo mały přikusk so postaramy. Zastup je darmotny. Zarjadowanje je zhromadny projekt Rěčneho centruma WITAJ a Kamjentneho domu Budyšin, spěchowany přez zwjazkowy program „Demokratie leben!“