W prěnim a druhim tydźenju šulskeho lěta je nowa projektna managerka Domowiny Raphaela Wićazowa w Serbskej zakładnej šuli w Radworju serbskorěčny projekt wo strowej snědani přewjedła. We wšěch rjadownjach su so šulerjo z tym rozestajeli, zo je strowšo, dźeń na přikład z sadom a zeleninu započinać hač słódkosće do so tykać. Zdobom su dźěći zwěsćili, zo móže strowa snědań tež słodźeć. Raphaela Wićazowa: „Wosebje šulerjam z mało znajomosćemi serbšćiny běše to dobra składnosć, so serbsce z bytostnej naležnosću wšědneho dnja zaběrać. To zakótwjenju našeje maćeršćiny w žiwjenju dźěći tyje a narok serbskeje šule podpěruje, nowe rěčne rumy tworić.”

foto: Raphaela Wićazowa