Wčera zakónči so doba za zapodaće namjetow za prěnje wupisanje Domowinskeho Myta za hospodarstwo. Zarjadej Domowiny su namjety z Delnjej, srjedźnej a Hornjej Łužicy dóšli. W dalšim procesu budźe so nowy wutworjeny mytowanski wuběrk schadźować, wo namjetach wuradźować.

Přepodaće myta za hospodarstwa je planowane na 3. fachowym forumje “hospodarstwo a kultura”, kotryž budźe 10.11.2025 w Krabatowym młynje w Čornym Chołmcu. Forum zarjaduja towaršnosć TDDK a Kulturny centrum Krabatowy młyn Čorny Chołmc gGmbH zhromadnje z Domowinu.

Zaměr myta je, hódnoćić angažement předewzaćow a posłužbarjow, kotrež so wosebje za zdźerženje a spěchowanje serbskeje rěče a kultury zasadźeja. Mytowanje wobsahuje mjez druhim pjenježne myto we wysokosći 1.000 € a předstajenje mytowanych w nadregionalnym hospodarskim magacinje.

kriterije za hódnoćenje myta | porjad za spožčenje myta