Wot 5. do 7. septembra wotměje so w Sebnicy „Dźeń Saksow”. Serbja su wšitke dny ze zhromadnym stejnišćom zastupjeni. Na tutym wobdźěla so towarstwo Serbski kulturny turizm, Serbska kulturna informacija, kaž tež třěšny zwjazk, zo bychu wopytowarki a wopytowarjow wo Serbach informowali. Tak prezentuja nimo informacijow a materialijow tež tradicionalne wóskowe jejka. Nimo toho budźe ekskluziwna listowa znamka ze serbskim motiwom na předań, kiž nasta w nadawku kampanje „Sorbisch? Na klar”.

Pjatk w 18:15 hodź. budźe Sakski ministerski prezident Michael Kretschmer serbske stejnišćo wopytać. Dale wočakujemy Saksku statnu ministerku za kulturu a turizm Barbaru Klepsch sobotu w 14:30 hodź při stejnišću. Sobotu w 10:00 hodź. wotměje so zetkanje kuratorija Dnja Saksow, na kotrymž budźe předsyda Domowiny dźěławosć třěšneho zwjazka předstajić.

Tež serbske kulturne cyłki wustupuja na kónc tydźenju. Nimo Chróšćanskich muzikantow a chóra Delany wustupuje Wudworski folklorny ansambl (dokładne časy hlej deleka).

Wšitcy su wutrobnje přeprošeni, sej do Sebnicy dojěć. Rady was tež na serbskim stejnišću witamy.

Wuběr programa (serbski):

sobota, 6. septembra 2025
- 10:00 hodź. zetkanje kuratorija Dnja Saksow, předsyda Domowiny Dawid Statnik prezentuje dźěławosć Domowiny
- 14:30 hodź. ministerka Barbara Klepsch wopyta serbske stejnišćo
- 15:30 hodź. wustup folklorneho ansambla "Wudwor"

njedźela, 7. septembra: 
- 12:30 hodź. koncert chóra Delany
- 15:00 a 15:45 hodź. koncert Chróšćanskich muzikantow

Dalše informacije namakaće tu: Auf blühende Erlebnisse! - Tag der Sachsen 2025 Sebnitz

Übersetzung ins Deutsche mit Sotra.app