Něhdźe 40 hosći, swójbnych, kolegow a dalšich zajimcow, witachu wobdźělnicy intensiwneho kursa serbšćiny "domoj" a sobudźěłaćerjo projekta ZARI, kotryž program wuhotuje, wčera popołdnju a wječor na zahrodźe rěčneho hnězdźa we Wulkich Ždźarach. Po kofeju a tykancu předstajichu domojnicy krótki program a filmčk wo wšědnym dnju w rěčnym hnězdźe. Po programje mnozy hišće wostachu, zo bychu sej zhromadnje z wuknjacymi serbske spěwy zaspěwali. Zdobom su wotnětka požadanja za druhi lětnik programa móžne, kiž ma so w aprylu 2026 zahajić. Wšě informacije nadeńdu zajimcy pod adresu domoj.eu.

wobraz: Hana Šmitec

Übersetzung ins Deutsche mit Sotra.app