Porno prjedawšim prognozam je wuwiće ličby maćernorěčnych šulerjow na teritoriju župy „Michała Hórnika” pozitiwne. To praješe Katharina Jurkowa na wuradźowanju regionalnych rěčnicow a referentow Domowiny srjedu w Chrósćicach. Problem hižo njeje, zo je přemało serbskich dźěći, ale wužadanje je zaručenje dosć rumnosćow a wučerjow na šulach. Jednaćel třěšneho zwjazka, Marko Kowar, informowaše, zo chce Domowina 75. róčnicu spominanja na kónc wójny a swjedźeń wožiwjenja narodneje organzicije wot 8. do 10. meje w Chrósćiach přewjesć. Tam je so 10.5.1945 kruh Serbow schadźował, kotřiž chcychu wot nacijow zakazanu organizaciju zaso wožiwić.