Wotnětka móža so zajimče a zajimcy za druhi dźewjećměsačny kurs serbšćiny „domoj“ přizjewić. Prěni kurs je dotal wuspěšny: hižo wot apryla wuknu wobdźělnicy w rěčnym hnězdźe we Wulkich Ždźarach serbsce. Njedawno su třitydźenski praktikum w serbskich institucijach absolwowali, zo bychu swoje znajomosće skrućili a wšědny dźeń nałožowali.

Zajimče a zajimcy móža so hač do 26.10.2025 za druhi kurs požadać. Tutón přewjedźe so wot apryla do decembra 2026. Wšitke informacije wo požadanju a wotběhu namakaće pod adresu www.domoj.eu.

Pozadk:

„Domoj“ je noworazny intensiwny kurs, kotryž projekt ZARI w nošerstwje Domowiny druhi raz organizuje. Program zmóžnja wobdźělnikam, přez dźewjeć měsacow so wšědnje na praktiske wašnje do serbšćiny zanurić, zo bychu po kóncu programa sebjewědomje a běžnje serbować móhli. Nimo klasiskeje wučby, skupinskeho a projektoweho dźěła, rólowych hrow abo zhromadneho warjenja steja ekskursije, wopyt zarjadowanjow a přednoški hosći na programje. Zo by so wšědne wobdźělenje zmóžnjało, dóstawaja wobdźělnicy za čas programa stipendij.