Wót 26. do 29. junija 2025 pśepšosyjo Domowina – Łužyskich Serbow zgromadnje z młogimi partnarjami na 15. mjazynarodny folklorny festiwal LUŽICA – ŁUŽYCA – LUSITZ.  Festiwal wótmějo se w Budyšynje, w Hochozy a w Chrósćicach a póbitujo wjelebocny program z rejemi a muziku ako teke rucnikaŕske wuměłstwo z cełego swěta.

Wjeleserakosć a kulturna wuměna

Dwanasćo folklornych ansamblow ze źaseś wšakich krajow wustupijo zgromadnje ze serbskimi rejowaŕskimi a muzikowymi kupkami. Źaseś z toś tych jo wustupił teke w Hochozy.

To su:

Wjeraški programa

• stwórtk, 26. junija – Budyšyn: swěźeński śěg z Postowego naměsta k Žytnym wikam, slědujo swětocne wótwórjenje na głownem jawišću Nimsko-Serbskego ludowego źiwadła.

• pětk, 27. junija – Hochoza: wót 19 góź. estrada mjazynarodneje folklory na głownem jawišću pśi cerkwi a na burskich dwórach. Póbituju se regionalne kulinariske speciality.

• sobotu, 28. junija – Chrósćicy: swěźeński wupyšnjone burske dwóry pśepšosuju na muziku, spiw a reje. Wótpołdnja prezentěrujo se imaterielne kulturne derbstwo a slěduju programy dorostowych kupkow. Wjacor wótmějo se "Chrósćicy-special" z muziku a rejemi za młodych a starych.

• njeźelu, 29. junija – Chrósćicy: wěcejrěcne swěźeńske namše na swěźeńskej łuce, pó tom swěźeński śěg pó jsy a tematiski program Łužyskich folklornych kupkow. Festiwal zakóńcyjo se z wjelikim finalom na głownem jawišću.

Dwory w Chrósćicach:

• farski dwór
• Koklic dwór
• Krawčikec/Kušec dwór
• Wjeselic dwór
• Zahrodnikec/Grutkec dwór

Dwory w Hochozy:

• cyrkwinska łuka
• farska łuka (nowa)
• Bergschlösschen
• Ungerec dwór

Imaterielne kulturne derbstwo

Ako cłonk CIOFF® (Conseil International organisations de folklore et d 'Arts tradicije) comy imaterielne kulturne derbstwo do srjejźišća stajiś. CIOFF®-festiwale w Europje prezentěruju kulturnje awtentiske programy, w srjejźišću stoj imaterielne derbstwo. Wóni pominaju sebje wusoke organizatoriske standardy, mjazy drugim profesionelny wótběg z infrastrukturu a wěstotu. Dalej zmóžnjaju kulturnu wuměnu.

Dalšne informacije
Informacije wó dalšnych kupkach ako teke wó programje a pśedawanju kórtkow namakajośo na festiwalnem webboku: Folklorefestival abo na Instagram | Facebook.

#festiwal_luzyca #festiwal_luzica#festival_lausitz

Foto Selfie-Wall (Domowina/Božena Šimanec): Milena Šołćic (2. wotlěwa) a Klemens van Dorp - Serbski folklorny ansambl Wudwor a Luiza Mikławškec (2. wotprawa) a Fabian Korch - Serbska rejowanska skupina Smjerdźaca.