Wčera je so XV. mjezynarodny folklorny festiwal Łužica-Łužyca w Budyšinje, Hochozy a Chrósćicach zahajił. Wjace hač 1.000 akterow z Łužicy a wšeho swěta – mjez nimi mnoho pomocnikow w pozadku – zakuzłuja Łužicu.

Pisane jewišća skića narodnu drastu, reje, hudźbu a žiwu wjacerěčnosć. Festiwal spěchuje zetkanja mjez generacijemi, kulturami a regionami.

„Naš festiwal je wuslědk angažowaneho zhromadneho dźěła, kiž mnoho dobrowólnych Serbowkow a Serbow organizuje“, tak Katharina Jurkowa co-nawodnica festiwala. „Naš nowy design symbolizuje žiwe dalewuwiće tradicijow. Tež hdyž njeje wšitko perfektne, je to swjedźeń za wšěch, kiž z połnej radosću a zahoritosću  přihotujemy.“

Skupiny z dźesać krajow, mjez nimi Čěskeje, Pólskeje, Rumunskeje, Chorwatskeje, Portugalskeje, Senegala, Kolumbiskeje, Vietnama a Ukrainy, skutkuja na festiwalu – nimo mnohich serbskich kulturnych skupin. Festiwal steji za zwjazanosć, wuměnu a wotewrjenosć.

Za festiwal tuteje wulkosće je politiska podpěra njeparujomna – tuž přewozmje ministerski prezident Swobodneho stata Sakskeje, Michael Kretschmer, tež lětsa znowa patronat.

Mjez čestnymi hosćimi witamy:

· zapósłancow zwjazkoweho sejma a krajneju sejmow z Braniborskeje a Sakskeje wot SPD,  BSW, Zelenych a CDU

· dr. Bernda Fabritiusa, społnomócnjeneho zwjazkoweho knježerstwa za prašenja wusydlencow a narodne mjeńšiny,

· Francisku Brechowu, społnomócnjenu Swobodneho stata Sakskeje za serbske naležnosće,

· Karstena Vogta, wyšeho měšćanostu města Budyšin.

Nimo toho su mnozy dalši hosćo –, zastupjerjo komunow, rozhłosow kaž tež z kultury a zarjadnistwa – zastupjeni. Jich přitomnosć podšmórnje wuznam festiwala jako platformu za žiwu mnohotnosć, kulturnu wuměnu a politisku podpěru za serbski lud.

Wosebity dźak słuša mnohim čestnohamtskima skutkowacym w přihotowanskim teamje –

Gabrielej Krawcej a Benej Jurkej (Smjerdźečanska rejowanska skupina),
Błažijej Handrikej (Wudworski folklorny ansambl),
Markej Klimanej (gmejna Chrósćicy),
Katharini Jurkowej a Pětrej Brězanej (nawodźe festiwala),
Tobiasej Ruchej (Serbski ludowy ansambl),
Tomašej Matcce (techniski nawod),
Claudiji Knoblochec (skupinska koordinatorka),
Markej Kowarjej (poradźowar),
Benej Šołće (social media),
Kathrinje Młynkowej (logistika),
Judiće Šołćinej (jednaćelka),
Rejzce Krügerowej (Chrósćicy special),
Clemensej Škodźe (kulturny forum),
Michaeli Hrjehorjowej (dźěćacy program Chrósćicy),
Boženi Šimanec (medijowe dźěło),
Ronnyjej Henke (wjesnjanosta Hochoza),
Dieterej Zeumke (zastupjer cyrkwje),
Lorenzej Krause (młoźina),
Manj Lobedźinej (dwór Bergschlösschen),
Tobiasej Ungerej (logistika a Ungerec dwór),
Marcusej Końcarjej (jadnaŕ)

- kotřiž z wulkim angažementom a wutrajnosću tutón festiwal zmóžnjeja.

Přez dwě lěće intensiwneho přihota, prawidłownych wječornych terminow a njeličomnych wothłosowanjow bě trěbnych, zo bychmy tajki podawk na nohi stajić móhli.

Projekt spěchuje Załožba za serbski lud, kotraž dóstawa lětnje přiražki z dawkowych srědkow na zakładźe hospodarskich planow, kotrež su Němski zwjazkowy sejm, Krajny sejm Braniborskeje a Sakski krajny sejm wobzamknyli.. Nimo toho podpěruja partnerskej komunje Chrósćicy a Hochozy, kaž tež kulturny rum Hornja Łužica-Delnja Šleska, wokrjes Budyšin a město Budyšin. Dźak słuša tež wšitkim sponsoram.

Přejemy Wam w  přichodnych dnjach wjele wjesela!

Fota (Domowina/Jörg Stephan): Swjedźenski ćah přez Budyšin

31_ Folklórny súbor HONT (Słowakska) 

37_ Ballet Saly Velingara (Senegal)

56_ 56: Pipacsok Néptáncegyüttesz Rumunskeje

76_ Serbski folklorny ansambl Wudwor