Běrow Sakskeje we Wrocławju je wčera na nowolětny koncert - lětsa hudźbneje a wyšeje šule Wrocław - přeprosył. Běše to zdobom zahajenje 25. lětneho wobstaća regionalneho partnerstwa mjez Sakskej a wojewódstwa Delnjošleska. Referent Domowiny Clemens Škoda bě jako zastupnik ze Serbskeje strony přitomny.

Statny sekretar Mathias Weilandt a zamołwity maršal za wojewódstwa Krzyzstof Bramoski witaštej přitomnych w połnje wobsadźenej koncertnej žurli Karol-Lipinskeje hudźbneje šule. W jubilejnym lěće leži fokus na turistiskich potencialach susodneju krajow, tak nawodnica Sakskeho běrowa we Wrocławju Anna Leniartowa.