Pod titulom “Moje wukubłanje” je Domowina nětko wozjewiła nowu publikaciju wo wukubłanskich móžnosćach a městnach w dwurěčnej Hornjej Łužicy. W njej předstaja so w serbskej rěči najwšelakoriše powołanja w zawodach a zarjadach. Nimo tabelarisce podatych faktow – kaž wuměnjenja, wukubłanski čas , hdźe je wotpowědna powołanska šula a wysokosć zasłužby– powědaja młodostni w interviewach wo swojim powołanju a čehodla su so za nje rozsudźili. Wona poda tež přehlad zawodow a poskićenych wukubłanskich městnow.Redakciju měješe bywša kubłanska referentka Domowiny za młodźinu w Hornjej Łužicy Marija-Tereza Krawžic. Brošurka je jenož digitalnje přistupna. Zajimcy namakaja ju na web-stronje Domowiny pod https://www.domowina.de/fileadmin/Assets/Domowina/Mediathek/Publikationen/2019Mojewukublanje.pdf.