Ćežki nadawk matej dźensa Sonja Hrjehorjowa a Helena Palmanowa (wotlěwa). Wonej stej jurorce, kotraž wuzwoli mjez 63 zapodatych jejkow najrjeńše jutrowne jejko we wubědźowanju za dźěći a młodostnych. Młodźi wuměłcy mjez štyri do 24 lět zapodachu swoje kreacije w regionalnych běrowach Domowiny abo w Serbskimaj kulturnymaj informacijomaj w Budyšinje a Choćebuzu. Hłownje pochadźeja z Łužicy, ale tež w Ludwigsburgu abo w Hesenskej běchu dźěći a młodostni pilni a kreatiwni. Jury hódnoći jejka po wšelakich kriterijach. Wuměłcy jejkow su při tym anonymni. Štó budu ći dobyćerjo, to zhoni zjawnosć w běhu meje.   

Fota: Domowina/Rejzka Krügerowa