Jutře zetkatej so generalna konsulka Čěskeje republiki w Drježdźanach JUDr. Markéta Meissnerová a zastupowaca generalna konsulka Mgr. Lenka Konšelová ze zastupjerjemi Domowiny w Budyšinje. Dźěłowa rozmołwa wotměje so wot 10 hodź. w Serbskim domje. Ze stron Domowiny wobdźěla so předsyda Dawid Statnik, jednaćel Marko Kowar, referent za kulturu a wukraj Clemens Škoda kaž tež wjednica Rěčneho centruma Witaj dr. Beata Brězanowa. Rozmołwjeć chcedźa so wo čěsko-serbskich stykach, na přikład wo serbskim kulturnym lěće 2019/2020 w Liberecu, a wo kubłanju. Pokiw žurnalistam:
Rozmołwa je njezjawna. Foto je na spočatku móžno.