Salowski-Fonds

Die Richtlinien für den Salowski-Fonds liegen derzeit nur in obersorbischer Sprache vor.

Směrnicy za wužiwanje pjenjez ze zawostajenstwa Měrćina Salowskeho (Fonds Salowskeho, FS)

Maćica Serbska je w lěće 2010 zdźědźiła ze zawostajenstwa Měrćina Salowskeho nimo knihow tež wjetšu sumu pjenjez. Předsydstwo, kiž pjenjezy wobhospodari, je so na sćěhowace postupowanje při přizwolenju financielneho spěchowanja z mjenom „Fonds Salowskeho“ (FS) dojednało a přepołoži je hłownej zhromadźiznje 2023:

  1. Spěchować hodźa so njekomercielne projekty našeho towarstwa abo přirodnych wosobow, kotrež wotpowěduja zaměrej našeho towarstwa.
  2. Spěchowanje je zasadnje za jónkrótne projekty myslene.
  3. Próstwy maja so njeformalnje w pisomnej formje na předsydstwo Maćicy Serbskeje stajić. Připołožić maja so: wopisanje projekta, financny plan, poskitki a pod. (na přikład hladajo na kóšty za ćišć atd.)
  4. Wo přizwolenju kaž tež wo wysokosći spěchowanja rozsudźi wosebita posudźowanska komisija, wobstejaca z třoch čłonow Maćicy Serbskeje. Tuta komisija wuzwoli so wot hłowneje zhromadźizny na dobu štyrjoch lět. Komisija wudźěła sej jednanski porjad.
  5. Za rozsud wo přizwolenju resp. njepřizwolenju próstwy wo spěchowanje móže so posudźowanska komisija na fachowcow wobroćić a wo posudk prosyć. Přećiwo rozsudam komisije nastupajo (nje)přizwolenje projektow njeje prawniski puć móžny. Komisija ma hłownej zhromadźiznje wo swojich rozsudach rozprawjeć.
  6. Jeli překroči požadana suma 1.000 €, ma hłowna zhromadźizna wo tym wothłosować.

 

Schwalene wot hłowneje zhromadźizny Maćicy Serbskeje dnja 18.03.2023 w Budyšinje / 09.03.2024

Komisija je so na jednanski porjad dojednała.