W Malešach maja nětko towarstwo Nadźija z.t.

Dźesać zahorići za serbsku rěč a kulturu su so wčera wječor w domje sportoweho towarstwa Traktor Malešecy zetkali, zo bychu tam towarstwo Nadźija z. t. po wjace hač 80 lětach wozrodźili. Čłonki a čłonojo pochadźeja ze wšelakich wsow wokoło Malešec a z Budyšina. Zaměr towarstwa je spěchowanje serbskeje rěče a kultury dokoławokoło Malešec. Dokładnje chce so towarstwo Nadźija z. t. wo to prócować, zo so rěč nałožuje a w idealnym padźe wozrodźi. Załoženje towarstwa je podpěrał rěčny motiwator ZARI Lucian Kaulfürst.

+++

Prěni lětuši nalětni koncert

Njedźelu, 30.03.2025 wotměje so w 16.00 hodź. nalětni koncert z chórom Meja w domje towarstwow w Trjebinje.