Wědomostnicy projekta ZARI (syć za serbsku rěč a regionalnu identitu) dr. Cordula Ratajczakowa a  prof. dr. Nicole Dołowy-Rybińska stej so na interdisciplinarnej dźěłarničce “Rěč a trawma: wjacerěčnosć na bazy, trawma a hojenje. Rewitalizacija a minorizowane nazhonjenja” wobdźěliłoj. Tuta wotmě so 23. a 24. septembra we Wilamowice w Pólskej. Wobdźěleni běchu wědomostnicy, aktiwistki a aktiwisća abo praktikarjo z wšelakich wobłukow.

W srjedźišću dźěłarnički stejachu nazhonjenja wjacerěčnych ludnosćow, wosebje tajkich z mało rěčnikami abo wohroženej rěču. Nimo toho předstaji so rěč z regiony Wilamowice - wymysiöeryś(wilamowšćina). Tuta bě po Druhej swětowej wójnje zakazana. Z toho wuwichu so rěčne trawmy a rěč so nimale pozhubi. Mjeztym ju tam wozrodźeja.

Tež Ratajczakowa a Dołowy-Rybińska přednošowaštej: wo 30 rěčnych biografijach, kotrež stej we Hornjej Łužicy wuslědźiłoj a wo rěčnych trawmatach a pospytach, serbšćinu zaso wožiwjeć. Tutón dźěłarničku stej mjez druhim uniwersita Duisburg-Essen a uniwersita Waršawa spěchowałoj. Móžne a hižo wuspěšne strategije, kak rěčnu trawmu přewinyć, chcetej wědomostnicy we Łužicy w praktiskim dźěle nałožować.

Program dźěłarnički namakaće tu: https://heteroglossia.net/fileadmin/user_upload/WIlamovice-Program_vs6_Aug25.pdf