Źinsa jo póbyło 17 Zorjakow na ekskursiji w Budyšynje. Zgromadnje z rěčnymi trenarjemi Gregorom Wieczorekom, Anku Zachariasojc a Pětšom Ciazynskim a projektowej managerku Karlinu Wuglaric su woglědali Domowinu, Serbsku kulturnu informaciju, Ludowe nakładnistwo Domowinu a Serbski muzej. Mimo togo njejo felowała pśestawka w serbskem gósćeńcu Wjelbik.

Južo tśeśi mjasec wuknu kursisty 3. kursa ZORJA něnto dolnoserbski w rěcnem gnězdźe w Dešnje. Weto casu su wšykne južo prědny certifikat (A1, A2, B1 a B2) złožyli. Za to su se teke derje pśigótowali a kuždy jo to zwónoźił. Mimo togo su se wobźělili na schaźowance a se woglědali, kak se serbska utopija 3 wjerśi. Slědujśo Zorjakam rady na Instagramje pod @zorja_official.

Chtož ma zajm dolnoserbšćinu imersiwnje wuknuś, móžo se za pśiducy intensiwny kurs Zorja pśizjawiś, až do 22. februara 2026 pódpóžedanje wó město – Zorja. 

Foto: Domowina/Božena Šimanec