Přijeće do nalěća w Praze z „Nowym duchom“ serbskeho wuměłstwa

Wutoru, 28. měrca 2023, přeprosy Sakske zastupnistwo w Praze pod nawodom Josefiny Ofneroveje na přijeće do nalěća do Łužiskeho seminara.

Ze stron Domowiny wobdźělištaj so jednaćelka Domowiny Judit Šołćina kaž tež referent za wukraj Clemens Škoda na zarjadowanju a wužištaj při tym składnosć, so ze zastupjerjemi předsydstwa towarstwa Společnost přátel Lužice rozmołwjeć.    

Wobaj wjeselištaj so přez zakónčenje projekta rewitalizacije Hórnikoweje knihownje, w kotrymž su so knihi wuspěšnje restawrowali a digitalizowali. W štyrilětnym projekće, kiž je Statna kenclija Sakskeje we wysokosći 160.000 € spěchowała, su čłonojo SPL mjez druhim rukopisne zběrki „Serbowka“ we wysokej kwaliće digitalizowali. Wot nětka su zjawnosći w manuscpritoriumje, na mjezynarodnym portalu za digitalizaty, přistupne.

Jako dalša wosebitostka wotewri so dźensa wustajeńca fotografijow Studio Lipsk, kiž je Matej Dźisławk zhotowił a je wobdźěłał. Widźeć su młode žony, kiž noša serbske elementy narodneje drasty w modernym šaće. Wothłós bě jara dobry. Sobotu so wustajeńca w Praze zjawnosći předstaji. Ideju za to měješe towarstwo SPL w kooperaciji ze Sakskim zastupnistwom w Praze.

Kommentare und Antworten

×

Name ist erforderlich!

Geben Sie einen gültigen Namen ein

Gültige E-Mail ist erforderlich!

Gib eine gültige E-Mail Adresse ein

Kommentar ist erforderlich!

Captcha Code Kann das Bild nicht gelesen werden? Klicken Sie hier, um zu aktualisieren

Captcha ist erforderlich!

Code stimmt nicht überein!

* Diese Felder sind erforderlich.

Sei der erste der kommentiert