Wutrobnje přeprošuje župne předsydstwo župy „Jan Arnošt Smoler“ Budyšin swojich čłonow Domowinskich skupin a towarstwow na lětušu kubłansku jězbu, kotraž budźe sobotu, 6. septembra.

Lětsa podamy so do Delnjeje Łužicy. W Choćebuzu budźe nam Werner Měškank wo serbskich stawiznach Stareho města rozprawjeć a nam zajimawe městna a kućiki pokazać.

Po wobjedźe podamy so do Drjenowa, hdźež wopytamy nałožk łapanja kokota. Wokoło 18 hodź. so do Budyšina nawróćimy.

Swójski přinošk wučinja 20,00 € a budźe so w busu zběrać. Zastaranje płaći kóždy sam.

Prosymy wo přizjewjenje hač do 20.08.2025 w regionalnym běrowje w Budyšinje pod 03591/ 550 211.