Štwórtk, 27.11.2025, wopyta Domowinu pólska delegacija z wokrjesa Żary. Krajny rada Bogdan Kępiński a jeho zastupjer Wojciech Kasprów měještaj konkretne naprašowanje na Domowinu. Přejetaj sej wuše zhromadne dźěło mjez Domowinu a wokrjesom Żary. Kaž krajny rada, kotrež bu loni woleny, zdźěli, chcedźa tak stare styki wožiwjeć. Krótkodobna móžnosć su kulturne wuměny, tak předsyda Domowiny Dawid Statnik. Dalše namjety chcedźa pólscy hosćo w přichodźe wudźěłać. Po wopyće w Serbskim domje podachu so hosćo hišće do Budyskeho stareho města, zo bychu sej hižo Wjacławske wiki wobhladali. Zastupjerjo gmejny Żary přijědu kóžde lěto w aprylu do Chrósćic, zo bychu padnjenych wojakow spominali.