Merle Spellerberg a Domowina w rozmołwje wo nowej mjeńšinowej politice a serbskim přinošku k naslědnosći

Merle Spellerberg (Zwjazk 90 / Zeleni) je čłon Poradźowaceho wuběrka za naležnosće serbskeho ludu při zwjazkowym ministerstwje nutřkowneho. Srjedu, dnja 4.5., zetka so zapósłanča zwjazkoweho sejma ze Sakskeje, kotraž nimo swojich dźěłowych ćežišćow wonkowna politika a škit klimy naležnosće regiona Drježdźany / Budyšin / Kamjenc na starosći ma, w Serbskim domje w Budyšinje z předsydu Domowiny, Dawidom Statnikom, k dźěłowej rozmołwje. Do toho staj Serbski muzej wopytałoj.

Merle Spellerberg: „Dźakuju so serbskemu třěšnemu zwjazkej Domowinje jara za tutu drohotnu wuměnu. My ze Zwjazka 90 / Zelenych smy Serb*owkam we Łužicy wusko poboku. Z tuteje přičiny je nam wažne, najprjedy potrjebu Serbow*kow słyšeć a w dalšim kroku zhromadnje projekty a prawa zwoprawdźić. Tak zasadźujemy so mjez druhim za to, zo runje Serbowkam zakonsce zmóžnja tradicionalnu žónsku wersiju swojeho swójbneho mjena nosyć a tež tak widźomnosć zmóžnić. "

Dawid Statnik: „Merle Spellerberg zastupuje cyłotnu perspektiwu respekta napřećo mjeńšinam, kotraž nam Serbowkam a Serbam z wutroby rěči. Nochcemy přeco zaso wo wobkedźbowanje we wšědnych wěcach kaž dwurěčnym wuhotowanju z taflemi prosyć, ale wočakujemy zasadne zapřijeće našeje perspektiwy w běžnym dźěle zarjadnistwa a politiki.

Jako awtochtona ludnosć a žiwe znamjo jónkrótnosće Łužicy mamy regionej wot Łužiskich hór hač k Błótam poskićeć zrozumjenje wo naslědnosći, kotrejež wobkedźbowanje zmóžnja žiwjenjotrěbne paradigmowe změny při wobchadźenju čłowjestwa ze zemju: Žana generacija nima prawo, swój kraj wuklukować, ale wona ma jón tak kultiwěrować, zo jón přichodne generacije wopušćić njetrjebaja."

Kommentare und Antworten

×

Name ist erforderlich!

Geben Sie einen gültigen Namen ein

Gültige E-Mail ist erforderlich!

Gib eine gültige E-Mail Adresse ein

Kommentar ist erforderlich!

Captcha Code Kann das Bild nicht gelesen werden? Klicken Sie hier, um zu aktualisieren

Captcha ist erforderlich!

Code stimmt nicht überein!

* Diese Felder sind erforderlich.

Sei der erste der kommentiert