Dźensniše wobzamknjenje Zwjazkoweje rady wo přiwzaću narodnych mjeńšin a ludowych skupin do Zakładneho zakonja ma Domowina za historiski a do přichoda sahacy signal.

Předsyda Domowiny Dawid Statnik: „Smy dźakowni za tute jasne wuznaće. Přiwzaće škita mjeńšinow do Zakładneho zakonja njeskruća jenož prawa Serbow, ale tež wšěch připóznatych mjeńšin a ludowych skupin w Němskej. Tutón rozsud pokaza: Mjeńšiny a jich rěče słušeja njepowalnje k našemu krajej.“ Wón wuzběhny, zo bě wuspěch jenož móžny, dokelž su so tři zwjazkowe kraje – Schleswigsko-Holsteinska, Braniborska a Sakska – zhromadnje za próstwu zasadźeli.

Domowina namołwja Zwjazkowy sejm a knježerstwo, so nětko na puć podać, zo by so wobzamknjenje Zwjazkoweje rady zwoprawdźiło.

Pozadk: Hižo 2019 běchu Schleswigsko-Holsteinska, Braniborska a Sakska wotpowědnu próstwu Zwjazkowej radźe zapodali. Tehdy wotpowědnej wuběrkaj próstwje njewotpowědowaštej. Dźensa je Zwjazkowa rada wuraznje žadała, škit připóznatych narodnych mjeńšin (Danojo, Frizojo, Serbja kaž tež Sinti a Romojo) w Zakładnym zakonju zakótwić.

2. posedźenje zwjazkoweho předsydstwa

Čłonki a čłonojo zwjazkoweho předsydstwa wuradźowachu dźensa w Miłorazu.

Aktualnosće ze župy Jakub Lorenc-Zalěski

Županka Diana Maticowa wuwjedźe wo aktualnej situaciji w župje Jakub Lorenc-Zalěski. Tak je w župje tuchwilu šěsć skupin, 10 zapisanych towarstwow, kaž tež pjeć njezapisanych towarstwow z cyłkownje 525 čłonami, kotrež so za serbstwo w regionje angažuja. Župne předsydstwo přihotuje tuchwilu 9. hłownu wólbnu zhromadźiznu župy, kotraž budźe 29.10.2025 w Serbskim kulturnym centrumje w Slepom. Na tutej chcedźa mjez druhim wo dźěłowych ćežišćach hač do kónca lěta rěčeć a dalše za přichodnej lěće planować. Župa chce mj. dr. hłušo z bazu dźěłać, to rěka ze swojimi towarstwami, ze šulu a hortom kaž tež gmejnu.

Kaž županka wuzběhny, je akceptanca serbšćiny w regionje sylnje přiběrała. Wona přizna, zo je rěč w gremijach, towarstwach a skupinach wšědny dźeń jenož zrědka słyšeć. Tola wuznamne rěčne kupy su cyrkej w Slepom, Njepilic dwór w Rownom a Šusterec dwór w Trjebinje.

Marek Krawc, wučer za serbšćinu Rěčneho centruma Witaj, wuwučuje tuchwilu dohromady 40 wobdźělnikow a wobdźělnicow w šěsć kursach serbšćiny. Rěčna motiwatorka projekta ZARI Juliana Kaulfürstowa podpěruje ze swojimi poskitkami zajimowanych při wuknjenju a nałožowanju serbšćiny.

Přichodny wjeršk budźe klětu 10. mjezynarodny festiwal dudakow wot 19.-21.06.2026 w Slepom. Přihoty za to hižo běža. Župu podpěruje při tym Slepjanska gmejna. Dalši partnerojo su Serbski folklorny ansambl Slepo, Serbski kulturny centrum, Domowina a mnohe dalše towarstwa.

Wobzamknjenja

Zwjazkowe předsydstwo je dźensa dalšeju čłonow do prezidija powołało. Staj to Bjarnat Cyž a Marko Hančik.

Zwězkowe pśedsedaŕstwo Domowiny pśigłosujopśedłoze góspodaŕskego plana za lěto 2026. Prezidium dostanjo nadawk, z pomocu zastojnstwa Domowiny wužywanje srědkow w lěśe 2026 běžnje kontrolěrowaś.

Nimo togose rozpšawa na zakłaźe plana źěłabnosći zastojnstwa za lěto 2024 na wědobnje bjerjo.

Dalej jo Zwězkowe pśedsedaŕstwo Domowiny do wuběrkow zwězkowego pśedsedaŕstwa powołało: Fabiana Jacobsa ako fachnika a zastupujucego pśedsedarja Hartmuta Leipnera do wuběrka za widobnosć Serbow w góspodaŕstwje a Marka Dźisławka ako fachnika do wuběrka “Dom Měrćina Nowaka-Njechorńskeho”.

Nimo toho přihotuje zwjazkowe předsydstwo wólby noweho Mytowanskeho wuběrka.Wólby maja so na posedźenju w decembrje přewjesć (zdźělenka tomu sćěhuje).Předsyda je čłonki a čłonow ZP w tutym zwisku na mytowanske zarjadowanje Domowiny přeprosył, kotrež budźe 17.10.2025 w Budyšinje. Na tutym přepodadźa so “Myto Domowiny”, “Myto Domowiny za dorost” a “Čestne znamješko”.

Dale je zwjazkowe předsydstwo swoje rjadowanje wudawkow za počesćenja třěšneho zwjazka schwaliło. Z tym aktualizuja płaćiwe rjadowanje z lěta 2004.