Delegacija Serbow poda so na kongres FUEN
62. kongres Federalistiskeje unije europskich narodnych skupin (FUEN) wotměje so wot 17. do 21. meje w měsće Cluj-Napoca/Kolozsvár/Klausenburg w Rumunskej. Hosćićelka je Demokratiska alianca Madźarow w Rumunskej.Delegaciju Serbow nawjeduje předsyda Domowiny Dawid Statnik. Jej přisłušeja čłon zwjazkoweho předsydstwa Domowiny a wiceprezident FUEN Bjarnat Cyž, čłon prezidija zwjazkoweho předsydstwa Wylem Janhoefer, jednaćel Domowiny Marko Kowar kaž tež Rejzka Lipičec jako zastupjerka Serbskeho młodźinskeho towarstwa Pawk a wjednica mjeńšinoweho sekretariata Judith Wałdźic; wona je tohorunja čłonka prezidija Domowiny.
FUEN chce na kongresu zběranje 1 miliony podpismow za iniciatiwu za mnohotu w Europje Minority SafePack zahajić, štož Domowina podpěruje. Předsyda Domowiny Dawid Statnik přednošuje na kongresu wo digitalizaciji serbskeje rěče. Nimo toho chcedźa kongresej FUEN namjetować, zo přizamknje so rezoluciji Domowiny nastupajo serbsku a bilingualnu wučbu w Delnjej Łužicy, kiž je 18. hłowna zhromadźizna Domowiny wobzamknyła.
www.fuen.org
Kommentare und Antworten
Božena Šimanec/Schiemann
nowinska rěčnica/
casnikarska powědaŕka/
Pressesprecherin
Domowina z. t./
Domowina – Bund Lausitzer Sorben e. V.
tel.: 03591 / 550 202
Sei der erste der kommentiert