Domowina njeje jenož we Łužicy aktiwny zwjazk, ale je zhromadnosć, kotraž so w mnohich krajach za zachowanje a spěchowanje serbskeje rěče kultury zasadźuje. Wažny nadawk maja při tym naše asociěrowane čłonske towarstwa. W tutych towarstwach zwonka Łužicy su přećeljo Serbow zjednoćeni, zo bychu serbsku rěč a kulturu podpěrali.

Towarstwa a zjednoćenstwa, kotrež zwonka Łužicy skutkuja, móža Domowinje jako asociěrowani čłonojo přistupić. Zhromadne dźěło rjaduje dojednanje, kotremuž dyrbi zwjazkowe předsydstwo přihłosować.

Naše asociěrowane čłonske towarstwa

Zawjazanje asociěrowanych towarstwow do dźěła třěšneho zwjazka pokazuje so předewšěm w prawidłownej wuměnje a w zhromadnym zwoprawdźenju projektow. W srjedźišću steja mjezsobne wopyty, specifiske tematiske zarjadowanja kaž tež wobstajna wuměna. Asociěrowane towarstwa njejsu w zwjazkowym předsydstwje zastupjene, jich nastorki a ideje pak při našim dźěle wobkedźbujemy.   

Wosebje w susodnymaj krajomaj Pólskej a Čěskej so jara za Serbow zajimuja. Sćěhowace towarstwa su tam aktiwne:

• Wrocław, Pólska– Towarzystwo Polsko-Serbołużyckie
• Opole, Pólska– Pro Lusatia webstrona
• Warszawa, Pólska– Towarzystwo Polsko-Serbołużyckie
• Poznań, Pólska– Towarzystwo Polsko-Serbołużyckie
• Sochaczew, Pólska– Towarzystwo Polsko-Serbołużyckie
• Praha, Čěska republika – Společnost přátel Lužice webstrona
  
  

Asociěrowanych čłonow mamy tež w Awstralskej a Americe. Su to předewšěm potomnicy Serbow, kotřiž su před wjace hač 175 lětami wupućowali. 

• Adelaide, Awstralska – Wend/Sorb Society of South Australia Inc. webstrona
• Australien – Wendish Heritage Society Australia Inc. webstrona
• Giddings (Texas), USA – Texas Wendish Heritage Society webstrona
  
  

Najmłódše asociěrowane towarstwo ma swoje sydło w sewjernej Němskej a wěnuje so wosebje stawiznam połobskich Słowjanow: 

• Lüchow (Wendland) – Wendischer Freundes- und Arbeitskreis e. V. webstrona