Myto Arnošta Muki wupisa so za studentow a studentki resp. za absolwentow a absolwentki w prěnim lěće po zakónčenju studija na polu serbskeje rěče a literatury, sociologije, pedagogiki/didaktiki, serbskich stawiznow, serbskeho kulturneho slědźenja, wuměłstwa abo žurnalizma.
Myto Arnošta Muki
Arnošt Muka
Arnošt Muka bě rěčespytnik, ludowědnik a jedna z wodźacych wosobinow serbskeho narodneho hibanja. Ze swojimi slědźenjemi k serbskej rěči, statistice a ludowej kulturje kaž tež ze swojim angažementom za kulturne institucije wědomostne a kulturne samopřestajenje Serbow naslědnje formowaše.
Wjace k wosobje
Wustawki za Maćične Myto Arnošta Muki
§ 1
Maćica Serbska spožči dwulětnje Myto Arnošta Muki, z kotrymž ma so wuznamjenić student/ka abo absolwent/ka w prěnim lěće po zakónčenju studija, kiž předpołoži wědomostne dźěło na polu serbskeje rěče a literatury, sociologije, pedagogiki/didaktiki, serbskich stawiznow, serbskeho kulturneho slědźenja, wuměłstwa abo žurnalizma.
§ 2
Jako myto wupisa Maćica Serbska 500 eurow. Za dźěło, kiž wotpowěduje zaměram § 1 a je w serbskej rěči napisane, zwyši so myto na 700 eurow. Myto smě so jenož wupisać, hdyž je dotacija zawěsćena.
§ 3
Myto so přez předsydstwo Maćicy Serbskeje zjawnje wupisa.
§ 4
Předsydstwo Maćicy Serbskeje postaji wuběrk za posudźowanje zapodatych dźěłow, wobstejacy z čłona předsydstwa a dalšeju fachowcow na polu sorabistiki. Wuradźowanja wuběrka a lisćina zapodatych dźěłow su dowěrliwe. Wuběrk wozjewi předsydstwu swój namjet za spožčenje myta, kotryž je zakład za rozsud předsydstwa. Wuběrk móže podać doporučenja za wozjewjenje zapodatych dźěłow w serbskich medijach, wosebje w Lětopisu a w Rozhledźe. Hdyž so njejsu zapodali dźěła w trěbnej kwaliće, tak so myto tute lěto njespožči.
§ 5
Dźěła maja so pola předsydy wuběrka w pisomnej formje zapodać. Smědźa to tež dźěła być, kotrež su nastali za akademiske zaměry, kotrež pak hišće wozjewjene njejsu. Wone njesmědźa wobjim 35 stronow połdralinkowskeho teksta w 12 pt z přispomnjenjemi překročić. Ilustracije su jako přidawk móžne. Dźěłu ma być připołoženy list z mjenom awtora, adresu, narodnym dnjom, studijnym směrom, ličbu fachowych semestrow resp. wotzamknjenje, titul zapodateho dźěła a wobkrućenje, zo je dźěło samostatny wudźěłk, kotryž njezrani awtorske prawo. Na dźěle samym so njesmě mjeno awtora jewić, zo by so hódnoćenje stało bjez znajomosće wosoby.
§ 6
Předsydstwo Maćicy Serbskeje spožči myto a informuje lawreata abo lawreatku. Myto přepoda so na hłownej zhromadźiznje Maćicy Serbskeje abo na wosebitym zarjadowanju. Lawreat/lawreatka móže so prosyć swoje dźěło na hłownej zhromadźiznje předstajić.
§ 7
Přećiwo rozsudam wuběrka a předsydstwa myta dla njeje prawniski puć móžny.
§ 8
Změna wustawkow a jich zběhnjenje leži w zamołwitosći předsydstwa Maćicy Serbskeje.
Choćebuz, 27. róžownika 2010
Jan Malink, pśedsedaŕ
Marko Kowal, zastupujucy pśedsedaŕ
Lawreaća w přehledźe
Tu namakaće přehlad dotalnych nošerjow Myta Arnošta Muki. Myto česći studowacych a absolwentow, kotřiž su so z wusahowacymi wědomostnymi dźěłami k rěči, literaturje, stawiznam, kulturje abo towaršnosći Serbow zasłužili.
Sofija Brězanec
Warum Sorbisch? Eine empirische Studie zu den Motivationsgründen von Lernenden einer Minderheitensprache
Spěchowanske myto
Tadeja Šeferec
Hornjoserbske frazeologizmy a jich tematizowanje w 3. a 4. lětniku na dwurěčnych zakładnych šulach Sakskeje
Marleen Schindler
Emotionalisierte Blut- und Wundenverehrung in Herrnhuter Texten
Evan W. Bleakly
Upper Sorbian in the Lusatian Linguistic Landscape: An Analysis of Neighboring Municipalities
Spěchowanske myto
Jan Brězan
Musikkultur lehren und lernen – Zur Konzeption einer sorbischen Klavierschule
Madlena Kubańkec
Lehrkräftemangel an sorbischen Schulen in Sachsen und deren Zukunftsperspektiven
Spěchowanske myto
Wenke Nebatz
Integration durch Schule? Die preußische und sächsische Bildungspolitik im 18. und frühen 19. Jahrhundert und die Sorben in der Niederlausitz
Šarlota Kušcyc
Probleme bei der Übersetzung in Minderheitensprachen anhand von ausgewählten Beispielen der Übersetzung von "Harry Potter and the Philosopher´s Stone" ins Niedersorbische
Anna Měrćinowa
"Alois Andritzki - Märtyrer des sorbischen Volkes." Die Mehrdeutigkeit eines Heldennarrativs nach dem 2. Weltkrieg
Spěchowanske myto
Damian Dyrlich
Hódnoćenje wuměłskeho tworjenja Jurja Chěžki z wida serbskich powójnskich literator a literarnych wědomostnikow
Franciska Grajcarekec
Imaterielne kulturne herbstwo. Wěda wo serbskej narodnej drasće na přikładźe třoch generacijow drastwoweho regiona katolskich Serbow 21. lětstotka
Šarlota Kušcyc
rola serbskich žeńskich: naˇpśikład serbskich seśelnicow a źiśetkow. wobrat a napšawdnosć serbskich žeńskich w Barlinju
Měto Nowak, Chóśebuz
Aktualna situacija dolnoserbskeje rěcy
Spěchowanske myto
Anne Sprenger, Cottbus
Zum Prestige der sorbischen Sprache aus der Sicht von Nichtsorben – Untersuchungen in Cottbus
Sofija Brězanec, lawreatka Myta Arnošta Muki 2025, z předsydku Maćicy Serbskeje dr. Anju Pohončej
Na hłownej zhromadźiznje 14.3.2025 spožči so Sofiji Brězanec Myto Arnošta Muki (druha wotlěwa) a Hilžbjeće Delanec Myto Michała Hórnika (druha wotprawa).
