Foto: Dirk Rabe | Pixabay

Žedne składowanje atomowych wótpadankow we Łužycy – prezidium Domowiny póraźował

Před dwěmaj tydźenjomaj, 27. oktobra, je Zwjazkowa towaršnosć za kónčne składowanje BGE aktualny staw geologiskich přepytowanjow wozjewiła. BGE njewobhladuje Łužicu hižo jako móžnu kónčnu region za składowanje wysokoradioaktiwnych wotpadkow. Prezidij Domowiny je so z temu na swojim wčerawšim posedźenju zaběrał. Předsyda Dawid Statnik: “Smy jara wolóženi, zo wuzamknje geologiske přepytowanje našu domiznu. Jako Domowina smy proces kritisce přewodźeli. W rozmołwach smy na wosebite historiske, rěčne a kulturne wobstejnosće serbskeho sydlenskeho ruma skedźbnili a so za škit domizny Serbow zasadźowali.” Prezidijej je wědome, zo njeje rozsud powšitkowna garantija přećiwo dalšim infrastrukturnym předewzaćam.

Diskusija wo kubłanju

Prezidij je so intensiwnje z aktualnej situaciju šulstwa w Sakskej a Braniborskej zaběrał. Mjez druhim je gremijej wažne, zo so aktualizowane Sakske postajenje wo dźěle na serbskich šulach a druhich šulach w serbskim sydlenskim rumje bórze wozjewi. Domowina je so w minjenych lětach intensiwnje ze Serbskim šulskim towarstwom a šulskimi nawodami na trěbne wobsahi dojednała. Naćisk postajenja leži tuchwilu w kultusowym ministerstwje. “Na septemberskim posedźenju Sakskeje serbskeje rady je kultusowy minister Conrad Clemens zdźělił, zo móžemy z postajenjom w februarje 2027 ličić.”, tak Statnik. Zarjad ma dale nadawk proces přewodźeć.

Delegowanja

Na swojim posedźenju su čłonojo prezidija dweju čłonow kuratorija Myta Ćišinskeho za dobu 2027-2032 pomjenowali. Zastupjer za Delnju Łužicu budźe Dytar Worješk a za Hornju Łužicu Juliana Kaulfürstowa.

Přihot wólbow załožboweje rady

Tydźenja je so doba za zapodaće kandidatury do załožbowej rady zakónčiła. Město znajmjeńša trěbnych wosom, je so sydom kandidatkow a kandidatow wo zastojnstwo prócowało. Zwjazkowe předsydstwo je tuž dobu podlěšiło. Zajimcy móža swoju kandidaturu hač do 30.11.2026 zapodać. Što su nadawki abo tež kriterije tutoho čestnohamtskeho dźěła, zhoni zjawnosć mj. dr. na webstronje Domowiny a na jeje Instagram-kanalu. Wotpowědny formular je tež na webstronje wozjewjeny. Hdyž maće prašenja nastupajo kandidaturu abo gremij steji referentka Madlena Di Sarnowa (telefon:03591 550-222, madlena.di.sarnowa@domowina.de) po boku.

Wólby budu tuž 29.01.2027 w Budyšinje. Přichodne posedźenje zwjazkoweho předsydstwa budźe při wšěm 04.12.26 w Choćebuzu.

Hłowna zhromadźizna 2027

Prezidij je so wo aktualnym stawje nowych dźěłowych směrnicow za dobu 2027 – 2031 wuměnił. Na posedźenju předsydy z towarstwami a župankami su so tute modifikowali a na přichodnym posedźenju zwjazkoweho předsydstwa změja čłonojo składnosć wo swojich namjetach diskutować. Dźěłowe směrnicy orientuja so na programje Domowiny a aktualne su na webstronje Domowiny wozjewjene.

 

Toś ten webbok wužywa cookieje, aby wy webbok optimalnje wužywaś mógali.

Wužywamy wšake cookije na našom webboku. Wažne cookieje trjeba bok, aby wšykno pšawje funkcioněrowało. Dalšne cookieje pomagaju nam na pśikład, anonymne statistiki zestajaś, Waše nastajenja składowaś abo se za Was góźece wopśimjeśa pokazaś. Móžośo sam / a rozsuźiś, kótare cookieje cośo dopušćiś. Wobglědujśo pak: Gaž někotare cookieje njedowólijośo, snaź wšykno na webboku njefunkcioněrujo.

Toś ten webbok wužywa cookieje, aby wy webbok optimalnje wužywaś mógali.

Wužywamy wšake cookije na našom webboku. Wažne cookieje trjeba bok, aby wšykno pšawje funkcioněrowało. Dalšne cookieje pomagaju nam na pśikład, anonymne statistiki zestajaś, Waše nastajenja składowaś abo se za Was góźece wopśimjeśa pokazaś. Móžośo sam / a rozsuźiś, kótare cookieje cośo dopušćiś. Wobglědujśo pak: Gaž někotare cookieje njedowólijośo, snaź wšykno na webboku njefunkcioněrujo.

Waše cookie nastajenja su se składowali.