Štóž planuje na Europeadu 2016 jěć, dóstanje pomoc wot Serbskeho Sokoła. Józef Šwon (foto) chce so wo to postarać, zo sej tak wjele kaž móžno přiwisnikow serbskeje wubranki do Južneho Tirola dojědu. Tak pyta tučasnje za móžnymi kwartěrami w bliskosći hrajnišćow našich narodnych mustwow a chce prašenja fanow: hdźe, što a kak telefonisce wotmołwić. Zhromadnje ze Šmitec wozydłownistwom zestaji so tež přidatny poskitk za fanow wot 19.-26.06.2016, kotřiž chcedźa sej z busom dojěć. Konkretny informacije k tomu so bórze wozjewja.Józef Šwon k tomu praji: “Naš cil je znajmjeńša 200 serbskich fanow do Južneho Tirola přinjesć. Čim wjac našim holcam a hólcam přijuskaja, čim spěšnišo woni za bulom honja.” Zawołać móža zajimowani najeho čisło 03591 41602 abo tež mailku pisać na Claudiju Knoblochec w Domowinskim zarjedźe Budyšin: knobloch-domowina@sorben.comZ wutrobnym postrowom,

Clemens Škoda
Referent za kulturu a wukraj
Póstowe naměsto 2, 02625 Budyšin

Tel.:0 35 91 / 55 02 08

Mobil: 01 73 / 3 51 54 40

Fax: 0 35 91 / 4 24 08

clemens.skoda@sorben.com

Foto: Jurij Helgest