Myto Arnošta Muki wupisujo se za studenty a studentki resp. za absolwentow a absolwentki w prědnem lěśe po zakóńcenju studija na pólu serbskeje rěcy a literatury, sociologije, pedagogiki/didaktiki, serbskich stawiznow, serbskego kulturnego slěźenja, wuměłstwa abo žurnalizma.
Myto Arnošta Muki
Arnošt Muka
Arnošt Muka (Arnošt Muke) jo był rěcywědnik, ludowědnik a jadna z wóźecych wósobinow serbskego narodnego gibanja. Ze swójimi slěźenjami k serbskej rěcy, statistice a ludowej kulturje ako teke ze swójim angažementom za kulturne institucije wědomnostne a kulturne samopśestajenje Serbow naslědnje formowašo.
Wěcej k wósobje
Wustawki za Maćicne myto Arnošta Muki
§ 1
Maćica Serbska pósćiwa kužde druge lěto Myto Arnošta Muki, z kótarymž ma se mytowaś student/studentka abo absolwent/absolwentka w prědnem lěśe pó zakóńcenju studiuma za wědomnostne źěło na pólu serbskeje rěcy, literatury, sociologije, pedagogiki/didaktiki, serbskich stawiznow, serbskego kulturnego slěźenja, wuměłstwa abo žurnalizma.
§ 2
Ako myto wupišo Maćica Serbska 500 euro. Jolic jo źěło w serbskej rěcy napisane, pówušyju se mytowe pjenjeze na 700 euro. Myto smějo se jano wupisaś, gaž jo dotacija zawěsćona.
§ 3
Pśedsedaŕstwo Maćice Serbskeje myto zjawnje wupišo.
§ 4
Pśedsedarstwo Maćice Serbskeje póstajijo wuběrk za pósuźowanje zapódanych źěłow, wobstojecy z cłonka pśedsedarstwa a dalšneju fachnikowu na pólu sorabistiki. Wobradowanja wuběrka a lisćina zapódanych źěłow su dowěrliwe. Wuběrk pódajo pśedsedarstwoju swójo naraźenje za pósćenje myta, kótarež jo zakład za rozsud pśedsedarstwa. Wuběrk móžo pórucyś wózjawjenje mytowanego źěła w serbskich medijach, wósebnje w Lětopisu a Rozhlaźe. Gaž njejsu se zapódali źěła w trěbnej kwaliśe, se myto w tom lěśe njepósćijo.
§ 5
Źěła maju se w pisnej formje pla předsydy wuběrka zapódaś. Směju to teke źěła byś, kótarež su nastali za akademiske zaměry a hyšći wózjawjone njejsu. Wóni muse měś maksimalnu dłujkosć 35 bokow połterasmužkowego teksta w 12 pt z pśispomnjeśami. Ilustracije su ako pśidank móžne. Źěłoju ma se pśipołožyś list, w kótaremž stoj mě awtora/awtorki, adresa, narodny źeń, studijny směr, licba semestrow resp. lěto wótzamknjenja, titel zapódanego źěła a wobkšuśenje, až jo wóno swójske wuźěło, kótarež njezranijo awtorske pšawo. Na źěle samem njesmějo mě awtora/awtorki napisane byś, aby se gódnośiło bźeze znaśa wósoby.
§ 6
Pśedsedarstwo Maćice Serbskeje pósćijo myto a informěrujo lawreata/lawreatku. Myto pśepódajo se na głownej zgromaźinje Maćice Serbskeje abo na wósebnem zarědowanju. Na pšosbu pśedsedarstwa pśedstajijo lawreat/lawreatka swójo źěło na głownej zgromaźinje.
§ 7
Pśeśiwo rozsudam wuběrka a pśedsedarstwa myta dla njejo pšawniska droga móžna.
§ 8
Změna wustawkow a jich wótpóranje lažy w zagronitosći pśedsedarstwa Maćice Serbskeje.
Chóśebuz, 27. maja 2010
Jan Malink, Vorsitzender
Marko Kowar, Stellv. Vorsitzender
Lawreaty w pśeglěźe
How namakajośo pśeglěd doněntejšnych nosarjow myta Arnošta Muki. Myto cesći studěrujucych a absolwentow, kótarež su se z pśesegajucymi wědomnostnymi źěłami k rěcy, literaturje, stawiznam, kulturje abo towarišnosći Serbow zasłužyli.
Sofija Brězanec
Warum Sorbisch? Eine empirische Studie zu den Motivationsgründen von Lernenden einer Minderheitensprache
Spěchowańske myto
Tadeja Šeferec
Hornjoserbske frazeologizmy a jich tematizowanje w 3. a 4. lětniku na dwurěčnych zakładnych šulach Sakskeje
Marleen Schindler
Emotionalisierte Blut- und Wundenverehrung in Herrnhuter Texten
Evan W. Bleakly
Upper Sorbian in the Lusatian Linguistic Landscape: An Analysis of Neighboring Municipalities
Spěchowańske myto
Jan Brězan
Musikkultur lehren und lernen – Zur Konzeption einer sorbischen Klavierschule
Madlena Kubańkec
Lehrkräftemangel an sorbischen Schulen in Sachsen und deren Zukunftsperspektiven
Spěchowańske myto
Wenke Nebatz
Integration durch Schule? Die preußische und sächsische Bildungspolitik im 18. und frühen 19. Jahrhundert und die Sorben in der Niederlausitz
Šarlota Kušcyc
Probleme bei der Übersetzung in Minderheitensprachen anhand von ausgewählten Beispielen der Übersetzung von "Harry Potter and the Philosopher´s Stone" ins Niedersorbische
Anna Měrćinowa
"Alois Andritzki - Märtyrer des sorbischen Volkes." Die Mehrdeutigkeit eines Heldennarrativs nach dem 2. Weltkrieg
Spěchowańske myto
Damian Dyrlich
Hódnoćenje wuměłskeho tworjenja Jurja Chěžki z wida serbskich powójnskich literator a literarnych wědomostnikow
Franciska Grajcarekec
Imaterielne kulturne herbstwo. Wěda wo serbskej narodnej drasće na přikładźe třoch generacijow drastwoweho regiona katolskich Serbow 21. lětstotka
Šarlota Kušcyc
rola serbskich žeńskich: naˇpśikład serbskich seśelnicow a źiśetkow. wobrat a napšawdnosć serbskich žeńskich w Barlinju
Měto Nowak, Chóśebuz
Aktualna situacija dolnoserbskeje rěcy
Spěchowańske myto
Anne Sprenger, Cottbus
Zum Prestige der sorbischen Sprache aus der Sicht von Nichtsorben – Untersuchungen in Cottbus
Sofija Brězanec, lawreatka Myta Arnošta Muki 2025, z pśedsedaŕku Maśice Serbskeje dr. Anju Pohončowu
Na głownej zgromaźinje 14.3.2025 jo se pósćiło Sofiji Brězanec Myto Arnošta Muki (druga wótlěwa) a Hilžbjeśe Delanec Myto Michała Hórnika (druga wótpšawa).
