Za tydźeń maće móžnosć, sej serbske filmy a samo serbsku premjeru w kinje wobhladać.

Srjedu 17.04.2024 w 16:00 hodź. budźe w ramiku 36. Filmoweho festiwala Drježdźany wječork serbskich krótkofilmow pod hesłom „Wiźeś. Widźomne.“ Na tutym maće nimo toho móžnosć, knihu „Serbske filmowe krajiny“ awtorki a filmowče dr. Grit Lemke a wědomostnika dr. Andy Räder zeznać.

Štwórtk 18.04.2024 prezentuje Budyske kino “Filmpalast” premjeru “Pla nas gronje jej Hanka / Pola nas rěka wona Hanka”, w 19:30 hodź. (nimale wupředate) a wulkeho zajima dla tež hišće w 20:00 hodź.

Dalše serbske filmy předstajeja so w ramiku 21. Filmoweho festiwala Nysa, 17.05.2024 w 19:00 hodź. w Budyskim Kamjentnym domje.

Filmowe wječorki wusměrja so na temu „serbski film“. Filmowy zwjazk Sakska, serbsko-němski zwjazk filmowcow „Łužycafilm“, Załožba za Serbski lud kaž tež Domowina – Zwjazk Łužiskich Serbow z. t. při zarjadowanjach kooperuja. Organizatorojo a kooperaciscy partnerojo podpěruja z tutymi aktiwnje aktualne serbske filmowstwo poskitkami.