Sprachwahl   Rěč/Sprache/Language
Sprachwahl
Rěč/Sprache
file.title

Statnik po Serbskim wječorku w Slepom: Rěčne rumy w žiwjenju towarstwow wažne

 

Na Serbski wječork je srjedu třiceći ludźi do Serbskeho kulturneho centruma Slepo přichwatało. Pod moderaciju Jana Hrjehorja informowachu so wo strukturach skutkownosće Domowiny, kotraž běše ze županom Manfredom Hermašom, regionalnej rěčnicu Dianu Maticowej, předsydu Dawidom Statnikom a městopředsydu Markom Hančikom zastupjena. Bjarnat Cyž zastupowaše załožbowu radu, tež Beata Brězanowa, nawodnica Rěčneho centruma Witaj, a předsyda Serbskeje rady Sakskeje, Marko Suchy, steještaj k dispoziciji.

Dawid Statnik wjeseli so wosebje, zo su ludźo wulku wažnosć na přichod rěčnych rumow tež w towarstwach kładli a zo je wulki zajim mjez druhim tež ze stron staršich a kubłarjow za rěčne kursy, zo bychu sej znajomosće serbšćiny přiswojeć móhli. Polěpšenje kubłanja w serbšćinje w pěstowarni a šuli su wobšěrnje rozjimali. Towarstwowe žiwjenje je wobdźělnikam w diskusiji bytostny instrument za skrućenje wjesneje zhomadnosće, při tym chce jim Domowina dale jako spušćomna partnerka poboku być.

Jan Hrjehor móžeše jako nawoda wyšeje šule w Slepom wo rozrosće serbowanja wšědneho dnja na kubłanišću rozprawjeć, hdźež je mjeztym pjeć serbskich wučerjow. K tomu přinošuje tež wuspěšny projekt we wubědźowanju „Čiń sobu”, z mjenom „Nalěpił a čitał – słyšał a nawuknył / serbšćinu wuknyć ze zwukowymi nalěpkami”, tak mjenowane słuchanske pisaki a nalěpki, z kotrymiž móža so ze zapřijećemi w hornjoserbšćinje a slepjanšćinje zeznajomić.

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button