Sprachwahl   Rěč/Sprache/Language
Sprachwahl
Rěč/Sprache
file.title

Wuradźowanje Domowiny: Regionalna alternatiwa za wotprajeny mjezynarodny folklorny festiwal budźe, jeli je swjedźeń móžny

Na wuradźowanju regionalnych rěčnicow a referentow Domowiny srjedu je regionalna rěčnica župy „Jakub Lorenc-Zalěski” ze Slepoho, Diana Maticowa, wo wjacorych prócowanjach župy za wožiwjenje serbšćiny w dźěćinje a za kubłarki rozprawjała. Na měsačnym posedźenju, kotrež je so zaso digitalnje wotměło, steji přeco rozprawa wo połoženju na teritoriju jedneje župy na spočatku dnjoweho porjada. Marko Kowar, jednaćel Domowiny, je tež na zamołwitosć přistajenych třěšneho zwjazka skedźbnił, kóždu składnosć wšědneje komunikacije za tworjenje rěčnych rumow wužiwać.

Wo serbskim swjedźenju, kotryž su jako alternatiwu za pandemije dla wotprajeny mjezynarodny folklorny festiwal planowali, chcedźa hakle kónc junija doskónčnje rozsudźić, hdyž budźe jasne, kotre postajenja płaća. Referent Domowiny, Pětr Brězan, informowaše, zo maja so kulturne ćělesa ze wšěch regionow Łužicy zapřijeć. Přiwšěm pak so swjedźeń jenož wotměje, jeli njebudźe hižo tajkich wobmjezowanjow kaž wotstawk, nahubnik a zakaz alkohola.

Woni su dale hłownu a wólbnu zhromadźiznu w Slepom dnja 12. junija organizatorisce přihotowali.

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button