Sprachwahl   Rěč/Sprache/Language
Sprachwahl
Rěč/Sprache
file.title

Wot januara nowy nowinski rěčnik Domowiny

 

Marcel Brauman budźe wot 1. januara 2020 nowy nowinski rěčnik a referent za zjawnostne dźěło Domowiny. W samsnej funkciji dźěła wón z lěta 2000 za frakciju Lěwicy w Sakskim krajnym sejmje.

Marcel Brauman narodźi so 1963 w Hamburgu a přisłušeše tři lěta katolskemu rjadej “misionarow z Mariannhilla”. Wobšěrne powołanske nazhonjenja zběraše mjez druhim jako swobodny žurnalist, reporter a nawoda redakcijow we Würzburgu a Berlinje, jako awtor dalšich publikacijow a jako blogowar Piwarc.

Wobšěrne su jeho čestnohamtske aktiwity w Serbach: M. Brauman je čłon zwjazkoweho předsydstwa a prezidija Domowiny, předsyda kubłanskeho wuběrka a z lěta 2018 župan župy Wojerecy; nimo toho dołholětny čłon Maćicy Serbskeje, Towarstwa Cyrila a Metoda a Towaršnosće za spěchowanje Serbskeho ludoweho ansambla.

“Smy so za Marcela rozsudźili, dokelž wažimy sej jeho kompetencu, kreatiwnosć a angažement runje na polu nowych medijow. Wjeselimy so na dobre zhromadne dźěło a přejemy našemu nowemu koleze wjele wuspěcha”, praji jednaćel Domowiny Marko Kowar dźensa w Budyšinje.

Dotalna nowinska rěčnica poda so kónc lěta na wuměnk. Domowina bě městno tohodla w lěću wupisała.

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button