Sprachwahl   Rěč/Sprache/Language
Sprachwahl
Rěč/Sprache
file.title

Wupisanje dźěłoweho městna

W zarjedźe Domowiny ma so k 01.08.2021 městno

referenta za naležnosće třěšneho zwjazka (m/ž/d)

wobsadźić. Jako hłowny zamołwity zarjada za dźěławosć organow a gremijow Domowiny ma referent we wuskim zhromadnym dźěle z předsydu a jednaćelstwom Domowiny wosebje slědowace dźěłowe ćežišća:

- wobsahowje koncipować, přihotować a poradźować hłowne zhromadźizny, posedźenja zwjazkoweho předsydstwa a jeho prezidija, kaž tež dalšich gremijow Domowiny a běžnje kontrolować zwoprawdźenje wobzamknjenjow tutych,

- zwěsćić potrjebu za rozsudy organow třěšneho zwjazka a wotpowědne předłohi zdźěłać resp. přihotować,

- koordinować zhromadne dźěło třěšneho zwjazka ze župami a čłonskimi towarstwami/zwjazkami Domowiny a poradźować w prašenjach towarstwoweho prawa a hladajo na zakonske předpisy ke škitej a spěchowanju serbskeho ludu,

- zdźěłać naćiski za stejišća a rozprawy Domowiny k serbskim a mjeńšinowym prašenjam,

o zdźěłać naćiski stejišćow Domowiny jako nošer zjawnoprawniskich naležnosćow

Wuměnjenja za přistajenja su:

- wysokošulske wukubłanje na prawniskim polu abo w duchownych wědomosćach,

- po móžnosći nazhonjenja w serbskim towarstwowym abo institucionelnym žiwjenju,

- ertne a pisomne wobknježenje serbskeje rěče, rady w hornjo- a delnjoserbšćinje resp. zwólniwosć wukmanjenja,

- kmanosće za dźěławosć z digitalnymi srědkami běrowoweho dźěła,

- komunikatiwna dźěławosć,

- jězbna dowolnosć

Dźěłowy wobjim wučinja 40 hodźin wob tydźeń. Mzdu płaćimy po TV-L. Dźěłowe městno je po dorěčenju w Budyšinje, Choćebuzu abo we Wojerecach.

Na požadanje ćežkozbrašenych so při jenakich kmanosćach prěnjotnje dźiwa.

Hdyž maće zajim za tajke nowe wužadanje, potom požadajće so prošu hač do 31.03.2021 ze swojimi dospołnymi podłožkami pola jednaćela Domowiny:

Domowina – Zwjazk Łužiskich Serbow z. t.
Marko Kowar

Póstowe naměsto 2
02625 Budyšin

sekretariat(at)domowina.de

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button