Sprachwahl   Rěč/Sprache/Language
Sprachwahl
Rěč/Sprache
file.title

Domowina pyta młodostnych jako posołow serbskeho ludu w zwjazkowej politice – zajimawy nadawk w poradźowacym wuběrku

 

Młodostni maja so sylnišo do oficielneje mjeńšinoweje politiki Němskeje zapřijeć. Tohodla je społnomócnjeny zwjazkoweho knježerstwa za naležnosće wusydlencow a narodne mjeńšiny, Bernd Fabritius, zastupnistwa štyrjoch připóznatych awtochtonych mjeńšin Němskeje a delnjoněmčiny wo to prosył, za wotpowědne wuběrki młodych ludźi pomjenować a legitimować. Tak mataj tež w poradźowacym wuběrku za prašenja serbskeho ludu při zwjazkowym ministerstwje nutřkowneho serbskaj młodostnaj wo wšěch temach diskutować a wo serbskim młodźinskim dźěle rozprawjeć.

Prezidij Domowiny chce na swojim přichodnym posedźenju 24. měrca wo mjenomaj młodych wotpósłancow serbskeho ludu rozsudźić. W nawěsku w serbskich medijach namołwja Domowina zajimcow, so přizjewić, a dalši wotběh wuswětla:

Pytamy młodostnych (16-27 lět), kiž chcedźa so podać na wulět do „wulkeje politiki”!

Nochceš Serbow raz zastupować – hromadźe z Domowinu – w poradźowacym wuběrku za prašenja serbskeho ludu při zwjazkowym ministerstwje nutřkowneho?

Tak so zwaž a napiš nam hač do 22. měrca w krótkej formje wo sebi a wo tym, što činiš, na sekretariat@domowina.de .

15. apryla 2021 budźe w 16 hodź. přihotowace zarjadowanje (maks. hodźinu, widejokonferenca) a 27. meje posedźenje wuběrka (online abo w Berlinje).

Wjeselimy so na Tebje!

Dawid Statnik, předsyda Domowiny

Pytamy młodostnych (16-27 lět), kenž kśě se pódaś na wulět do „wjelikeje politiki”!

Njekśěł Serbow raz zastupowaś – gromaźe z Domowinu – w póraźujucem wuběrku za pšašanja serbskego ludu pśi zwězkowem ministaŕstwje nitśikownego?

Toś zwaž se a napiš nam až do 22. měrca w krotkej formje wo sebje a wó tom,

co cyniš, na sekretariat@domowina.de.

15. apryla buźo zeger 16 góź. pśigótowańske zarědowanje (maks. góźinu, wideokonferenca) a 27. maja pósejźenje wuběrka (online abo w Barlinju).

Wjaselimy se na Tebje!

Dawid Statnik, pśedsedaŕ Domowiny

K tomu so Dawid Statnik, předsyda Domowiny, wupraja:

„Rady smy poskitk přiwzali, młodostnych bóle do tworjenja měnjenja w mjeńšinowej politice tež na zwjazkowej runinje zapřijeć. Dotal su Serbja tam z předsydu a městopředsydomaj Domowiny, direktorom załožby a předsydku załožboweje rady zastupjeni. Jemu přisłušeja tohorunja zastupjerjo zwjazkoweho knježerstwa, krajow Braniborska a Sakska a zapósłancy zwjazkoweho sejma. Społnomócnjeny za naležnosće wusydlencow a narodne mjeńšiny posedźenja nawjeduje.

Chcemy nětk składnosć wužić a młodostneju a naslědneju kandidatow wolić a prosymy tohodla wšěch zajimcow, so mejlnje na zarjedźe třěšneho zwjazka přizjewić. Naša namołwa je na wšěch wusměrjena, wšojedne hač šulerjow, wučomnikow, studentow, młodych rjemjeslnikow abo akademikarjow. Předznajomosće politiskeho, prawniskeho abo zarjadniskeho razu njejsu trěbne. Wšako słuša do winowatostneju terminow nimo wuběrka samoho tež krótke přihotowanje z wujasnjenjom, kak gremij dźěła. Potajkim: Njebojće so, kandidujće! Nimo toho směm wam slubić: Mamy za wšěch zajimcow dalše zajimawe poskitki w narodnym dźěle Domowiny – nic jenož tutej městnje w poradźowacym wuběrku!”

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button