język   Rěč/Sprache/Language
język
Rěč/Sprache
file.title

Z wuradźowanja Zwjazkoweho předsydstwa DOMOWINY

Rozprawa zarjada Domowiny a RCW wo dźěławosći w lěće 2017 a naćisk za lěto 2018 běchu někotre z hłownych dypkow posedźenja Zwjazkoweho předsydstwa Domowiny dnja 23.02.2018 w Choćebuzu. Pod nawodom předsydy Domowiny Dawida Statnika, wzachu čłonojo gremija tež informaciju k zakónčenju hospodarskeho lěta 2017 a naćisk za lěto 2018 na wědomje.

 

Domowina přewjedźe dnja 13./14. Septembra 2018 konferencu k strukturnemu wuwiću we Łužicy. Namjetej přihłosowa gremij na zakładźe naćiska wuběrk za hospodarstwo a infrastrukturu. Zarjadowanje wotměła so w Złym Komorowje. Dokładny wobsah a namjety nastupajo referentow maja so w bliskim času nadźěłać. Konferenca zarjaduje so do procesa projekta “přichod Łužica” (Zukunftswerkstatt Lausitz).

 

Dale informowaše so Zwjazkowe předsydstwo wo aktualnym stawom europskeje byrgarskeje iniciatiwy Minority SafePack. “Aktualna informacija FUEN rěči wo dotal wjac hač 750.000 podpismach. Docpěće 1 milion podpismow wzda so tuž jako docpějomne. Tróšku zadźiwani smy nad niskim wobdźělenjom w Němskej.”, tak Statnik. Domowina namołwja wšitkich Serbow a přećelow Serbow iniciatiwu podpěrać. Podpisma su móžne na stronje www.minority-safepack.eu.

 

Přichodne regularne posedźenje prezidija Domowiny wotměwa so 21.03.2018 we Wojerecach.

Přichodne posedźenje Zwjazkoweho předsydstwa Domowiny wotměwa so 27.04.2018 w Budyšinje.

Borbora Felberowa
Bärbel Felber

nowinska rěčnica,
wosobinska referentka předsydy

Pressesprecherin,
persönliche Referentin des Vorsitzenden

Domowina z. t./Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202

presse(at)domowina.de

https://www.facebook.com/nowinska.recnica

www.domowina.de


Facebook Button