język   Rěč/Sprache/Language
język
Rěč/Sprache
file.title

Naprašowanje je online – wobdźělće so!

Domowina přewjedźe tuchwilu wobšěrne naprašowanje wšěch serbskich towarstwow a zwjazkow. Naprašnik je so dźensa w hornjoserbskej, delnjoserbskej a němskej rěči online wozjewił:

Kóždy čłon serbskich towarstwow a zwjazkow ma móžnosć, so na tutym anonymnym naprašowanju wobdźělić. “Chcemy zhonić, kak wobydlerjo na dobro našeje mjezsobnosće w dwurěčnym teritoriju skutkuja, kajki maja podźěl na serbskim kulturnym žiwjenju a kak jara so z třěšnym zwjazkom Domowinu identifikuja”, praji čłonka zwjazkoweho předsydstwa a předsydka zamołwiteho wuběrka Marka Cyžowa. Naprašowanje běži hač do 14. oktobra. Wotmołwy wuhódnoći agentura Methodenberatung Jahn z Lipska. Domowina nima žadyn přistup k jednotliwym wotmołwam.

Naprašnik bu hižo w zašłym tydźenju pod www.domowina.de jako pdf-dokument k indiwiduelnemu wućišćenju a wupjelnjenju wozjewjeny a dalše eksemplary so tuchwilu ćišća. Sobudźěłaćerjo Domowiny su čłonam serbskich towarstwow prěnje naprašniki w papjerjanej formje - inkluziwnje wobalkow k anonymnemu wupjelnjenju – rozdźělili. Zalěpjene listowe wobalki z wupjelnjenymi naprašnikami zběraja so w běrowach Domowiny a w cyłku do Lipska k wuhódnoćenju pósćelu.

Z naprašowanjom spjelni Domowina jedyn nadawk zašłeje hłowneje zhromadźizny. Wuslědki maja kónc lěta předležeć.

Marcel Brauman/Braumann

nowinski rěčnik,
wosobinski referent předsydy

casnikarski powědaŕ,
wósobinski referent pśedsedarja

Pressesprecher,
persönlicher Referent des Vorsitzenden

Domowina z. t./
Domowina – Bund Lausitzer Sorben e. V.
Póstowe naměsto 2/Postplatz 2,
02625 Budyšin/Bautzen

tel. +49 (0)3591 550-202
mobil: 0171 89 83 985

marcel.brauman(at)domowina.de
presse(at)domowina.de

Facebook

Twitter

www.domowina.de


Facebook Button