Měrćin Brycka

Ja sym 36 lět stary, studowany stawiznar a dźěłam w Serbskim kulturnym archiwje. Bydlu w Budyšinje a sym w Budyskej wokolinje wotrostł. Sym čłon Maćicy Serbskeje a Spěchowanskeho kruha za serbsku ludowu kulturu. Zajimuju so za serbske a powšitkowne stawizny Łužicy.

Kandiduju za zwjazkowe předsydstwo, dokelž sym zwólniwy, funkciju delegata wupjelnić a zajimy Spěchowanskeho kruha za serbsku ludowu kulturu zastupować. Widźu w tym čestny nadawk a chcu ze swojim podźělom k dalšej dźěławosći wotběhow přinošować.   

Jěwa-Marja Čornakec

Sym we Wotrowje wotrostła a po maturje bibliotekarstwo, kulturne wědomosće a sorabistiku w Lipsku studowała. Po nimale 20lětnym šefredaktorstwje Rozhlada dźěłam z lěta 2011 jako dramaturgowka w SLA. Čestnohamtsce skutkuju tuchwilu w předsydstwomaj ZSW kaž tež Towaršnosće za spěchowanje SLA.

Kandiduju za změrcowski wuběrk, dokelž chcu sobu pomhać, zo my Serbja w padźe rozkory  puć k wujednanju namakamy.   

Lubina Dučmanowa

Ja sym Lubina Dučmanowa a bydlu w Spalach. Dźěłam jako wučerka serbšćiny na Krabatowej zakładnej šuli w Kulowje. Dźěłam dotal w župnym předsydstwje župy Wojerecy sobu. 

Kandiduju za Zwjazkowe předsydstwo, dokelž chcu so za wobstaće a rozšěrjenje serbskeje rěče w našej regionje zasadźić. Njeje wjace wjele ludźi wokoło Wojerec, kiž serbsku rěč tak wobknježa, zo moža so na posedźenjach w mačernej rěči rozmołwjeć a su zdobom zwólniwi, so w swobodnym času towaršnostnje angažować.

Damian Dyrlich

Ja sym Damian Dyrlich z Noweje Wjeski. Wot 2013-2018 studowach wučerstwo w Lipsku. Tam běch aktiwny čłon studentskeho towarstwa Sorabije Lipska, kaž tež župan zwjazka serbskich studowacych. Studenća delegowachu mje do zwjazkoweho předsydstwa. Mjeztym sym wučer na Serbskim gymnaziju w Budyšinje.

Kandiduju, dokelž sym widźał, zo je sobudźěło w zwjazkowym předsydstwje jara spomóžne za nas studentow było. Dale mam za wažne, zo tež my jako młoda generacija naše zajimy w Serbach zanjesemy. Jako aktiwny křesćan sym so za to pola TCM naprašował, zo by móhł katolske towarstwo zastupować.

Fotograf: Jakub Wowčer

Milan Funka

Sym šěsć lět starosta třěšneho zwjazka sportowych zjednoćenstwow a jednotkow Serbskeho Sokoła z.t. a nawjedowach wot 2003 štyrnaće lět jako předsyda serbske wolejbulowe towarstwo Sokoł Budyšin z.t. Wjele lět běch tam tež jako hrajer aktiwny. Wot 2009 bu woleny jako sobustaw Zwjazkoweho předsydstwa Domowiny. Sym 62 lět stary, dipl. jurist a financny poradźowar w Budyšin.

Kandiduju za Zwjazkowe předsydstwo, dokelž je mi předsydstwo Serbskeho Sokoła z.t. za dalšu legislaturnu periodu dowěru wuprajiło. Nazhonjenja wot bywšeho dźěła w Zwjazkowym předsydstwje su nadosć, tak, zo so njeboju, zo za dalše štyri lěta zamołwitosć přewzam a so z přeswědčenjom za serbske naležnosće a zajimy našich serbskich sportowčow a sportowcow zasadźuju.

Alfons Korjeńk

Sym Alfons Korjeńk z Budyšina
Kandiduju (za rewizijny wuběrk): za narod a wěru. TCM

dr. habil. Hartmut S. Leipner

Som fyzikaŕ a docent na uniwersiśe Halle–Wittenberg a angažěrujom se cesnoamtski we Łužycy za serbsku ewangelsku wósadu. Som Bogu źěkowny, až som mógał statkowaś na wšakich pozicijach w dalinje a som se naslědku mógał wrośiś do rěcy a kultury swójich prědownikow.

Kandiděruju (za městopśedsedarja), dokulaž kšywowy zwězk wšyknych Serbow trjeba wěcywuznatu pódpěru, aby sobu wugótował strukturnu změnu domownje. Zwězujom z kandidaturu wótmyslenje, zmócniś rolu Maćicy/Maśice Serbskeje w Domowinje a skšuśiś paritetnosć Górneje a Dolneje Łužyce.

Mila Libšowa

Ja sym Mila Libšowa, 67 lět „młoda", bydlu w Ćisku pola Wojerec. Sym 43 lět ženjena, mam dwě dżěsći a pjeć wnučkow. Sym nawuknyła powołanje cuzorěčneje korespondentki na rěčnej šuli w Minakale, sym była dołholětna šefsekretarka 1. sekretara Domowiny, 1989 sym dyrbjała ze swójskich /swójbnych přičin zastać a sym dóstała dźěło pola sudnistwa we Wojerecach, hdźež sym 27 lět dźěłała. Nětko sym wot 2016 pensionarka.

Kandiduju za zwjazkowe předsydstwo, dokelž sym wot lěta 2019 čłonka župneho předsydstwa we Wojerecach. Chcu so za to zasadżeć, zo by so serbska rěć a kultura dale pěstowała, serbska rěč našim młodym dale podawała a zo bychu w přichodże serbske tradicije dale žiwe byli.

Feliks Ričel

Ja sym Feliks Ričel (30) a bydlu z mojej přećelku a naju dźowku w Berlinje. Po tym zo sym swój masterowy studij politiskeje ekonomije wotzamknył, dźěłam wot započatka lěta w Mjeńšinowym sekretariaće. W běhu lěta chcu tež, w ramiku promocije, regionalne wuwiće w serbskim sydlenskim rumje přepytować. 

Kandiduju za zwjazkowe předsydstwo, dokelž chcu so za prawa a spěchowanje Serbow angažować. Lěpšiny kaž tež wužadanja narodnych mjeńšinow su so mi w běhu mojeho žiwjenja wuwědomili. Po tym zo je so naju dźowka narodźiła, sym so prašał, kak móžu jej nimo šwedšćiny a němčiny tež serbšćinu wšědny dźeń zbližić. 

 Dawid Statnik

Ja sym Dawid Statnik, 37 lět stary a pochadźam z Ralbic. Do mojeho skutkowanja w Domowinje dźěłach w Serbskim ludowym ansamblu w Budyšinje. Sym maćernorěčny Serb a tež ze swójbu pěstuju wšědnje serbšćinu. Při tym dźiwam na to, wosebje tež dźěći kubłać w runohódnosći našeje maćeršćiny.

Kandiduju, dokelž je mi wutrobita naležnosć, z mojim skutkom situaciju Serbskeho ludu polěpšić. Smědźach hižo jako předsyda Domowiny našemu třěšnemu zwjazkej słužić a rady steju za dalšu dobu k dispoziciji. Dotal smy hromadźe wjele docpěli, a tež přichodne lěta lubja zajimawe a wažne wuwića.