Popołdnjo za swójby w Stróži

Popołdnjo za swójby wuhotowa biosferowy rezerwat Hornjołužiska hola a haty wčera (w zymskich prózdninach 19.2.20) w Domje tysac hatow w Stróži. Na 40 hosći bě přichwatało, zwjetša dźěći ze staršimi abo z dźědom a wowku. Při čitanju, paslenju a molowanju wotkrychu sej dźěći swět powěsćowych figurow .

Při staciji domizniskeho towarstwa “Radiška” a Domowiny słyšachu powěsć wo wódnym mužu a bitwje z Drabom w Malešecach a paslichu sej błudnički z přirodneho materiala.
Prózdninski poskitk běchu towarstwo Radiška, Domowina a biosferowy rezerwat zhromadnje wuhotowali. “Wjeselimy so, zo biosferowy rezerwat tež přeco husćišo serbske temy do swojich poskitkow zapřija” praji Jana Pětrowa z towarstwa Radiška.